ភាគច្រើន ទាំងបុរស និងស្ត្រីតែងតែសម្រេចកាមដោយខ្លួនឯង ប៉ុន្តែ វាទំនងជាមិនមានភាពភ្ញាក់ផ្អើលឡើយនៅពេលដែលគេនិយាយថា បុរសត្រូវការវាច្រើនជាងស្ត្រី។ យ៉ាងណាមិញ មនុស្សមួយចំនួននៅតែមានចម្ងល់ជុំវិញបញ្ហាជួយខ្លួនឯងក្នុងការសម្រេចកាម។ ជាការពិតណាស់ ការសម្រេចកាមដោយខ្លួនឯងជាសកម្មភាពធម្មតាៗ ដែលមនុស្សពេញវ័យគ្រប់រូបអាចធ្វើបាន ដោយមិនបង្កជាបញ្ហាសុខភាពអ្វីឡើយ លើកលែងតែអ្នកធ្វើវាខ្លាំងក្លាពេក ច្រើនដងពេក ឬសុខភាពអ្នកមិនសូវល្អ។
អាយុពី ២៥ ទៅ ២៩ ឆ្នាំ ស្ត្រីចំនួន ៥ ភាគរយបានសម្រេចកាមដោយខ្លួនឯងច្រើនជាង ៤ ដងក្នុងមួយសប្តាហ៍ ចំណែកឯបុរសវិញមានរហូតដល់ ២០,១ ភាគរយឯណោះ។ កាលណាមនុស្សយើងមានអាយុកាន់តែច្រើន អ្នកកាន់តែមិនចង់សម្រេចកាមដោយខ្លួនឯងសោះតែម្តង។
ការសិក្សាបានបង្ហាញអោយដឹងថា ការសម្រេចកាមដោយខ្លួនឯងផ្តល់ផលវិជ្ជមានជាច្រើនចំពោះផ្លូវកាយ និងផ្លូវចិត្ត ដែលពេលខ្លះ គេអាចគិតថា ការសម្រេចកាមដោយខ្លួនឯងអាចមានភាពល្អប្រសើរជាងការរួមភេទទៅទៀត។ ការជួយខ្លួនឯងអាចជួយបំបាត់ការថប់អារម្មណ៍ និងស្ត្រេស។ អ្នកសម្រេចកាមដោយខ្លួនឯង មិនដែលខ្វល់នឹងអ្វីដែលនៅជុំវិញខ្លួននោះទេ ដូចជា មិនចាំបាច់ធ្វើអោយនរណាមានអារម្មណ៍ មិនបាច់ខ្វល់ពីពេលវេលា ឬទីកន្លែង មិនត្រូវការស្លៀកពាក់អោយសិចស៊ី និងមិនបាច់គិតពីតម្រូវការរបស់អ្នកដទៃឡើយ ដោយគ្រាន់តែធ្វើអ្វីដើម្បីខ្លួនឯងទៅ គឺគ្រប់គ្រាន់ហើយ។ យ៉ាងណាមិញ អ្នកសម្រេចកាមដោយខ្លួនអាចនឹងពេញចិត្តប្រើឧបករណ៍រំញ័រ ប្រើក្បាលទឹកផ្កាឈូក ឬតុក្កតាសិច។
ការសម្រេចកាមដោយខ្លួនឯង គឺជាកាដូដ៏ពិសេសមួយចំពោះខ្លួនឯង ដែលអាចជួយអោយអ្នករីករាយស្រស់ស្រាយជាប់រហូតបាន មិនខ្វល់ថាអ្នកជាមនុស្សនៅលីវ ឬរៀបការរួច អាយុ ២៥ឆ្នាំ ឬ ៥៥ឆ្នាំឡើយ។ មិនខ្វល់ថាអ្នកអនុវត្តវាប៉ុន្មានដងក្នុងខែ ឬប៉ុន្មានដងក្នុងមួយអាទិត្យទេ អ្វីដែលសំខាន់ គឺសុខភាពរបស់អ្នកផ្ទាល់ ហើយអ្នកត្រូវប្រាកដថា វានឹងមិនអាចធ្វើអោយអ្នកកើតបញ្ហាផ្លូវចិត្តដែលចេះតែត្រូវការវាគ្រប់ពេលនោះទេ៕
