មិនថាអ្នកស្ថិតនៅដាច់ពីគេ ឬ ធ្វើចត្តាឡីស័ក ដោយសារកូវីដ១៩ អ្នកនឹងចំណាយពេលច្រើននៅផ្ទះដោយជៀសមិនរួច។ អនុវត្តតាមការណែនាំក្នុងការរស់នៅ ដែលមានសុខភាពល្អទូទៅដូចជា ការបរិភោគអាហារមានតុល្យភាព ការរក្សាជាតិទឹកឱ្យបានទៀងទាត់ ការគេងលក់ស្កប់ស្កល់ និងការគ្រប់គ្រងស្ត្រេស គឺជាអនុសាសន៍ល្អបំផុតសម្រាប់ការមានសុខភាពល្អអំឡុងពេលផ្តាច់ខ្លួន ឬធ្វើចត្តាឡីស័ក។
១.បរិភោគរបបអាហារមានតុល្យភាព
និយាយដោយសាមញ្ញគឺមិនមានអាហារ ឬថ្នាំបំប៉នដែលអាចជួយបង្កើនប្រព័ន្ធភាពស៊ាំរបស់យើង និងការពារ ឬព្យាបាលកូវីដ១៩ បានទេ។ ទោះជាយ៉ាងណា ការបរិភោគរបបអាហារដែលមានតុល្យភាពល្អជាមួយនឹងផ្លែឈើ និងបន្លែច្រើន គ្រាប់ធញ្ញជាតិ ប្រូតេអ៊ីនពីរុក្ខជាតិនិងសត្វ និងខ្លាញ់ល្អ គឺជាវិធីល្អបំផុត ដើម្បីទទួលបានសារធាតុចិញ្ចឹមសំខាន់ៗទាំងអស់ ដែលយើងត្រូវការសម្រាប់សុខភាពល្អ និងមុខងារភាពស៊ាំធម្មតា។ ដោយសារភាពឯកោរបស់ខ្លួនឯងអាចនាំឱ្យយើងមិនសូវសកម្មវាក៏សំខាន់ផងដែរក្នុងការយកចិត្តទុកដាក់លើផ្នែកអាហារ និងដើម្បីរក្សាតុល្យភាពថាមពលរបស់យើងឱ្យត្រូវនឹងតម្រូវការរបស់យើង។
២.បង្កើតទម្លាប់និងអនុវត្តការបរិភោគអាហារដោយយកចិត្តទុកដាក់
ក្នុងពេលមានភាពមិនប្រាកដប្រជាវាជារឿងធម្មតាទេ ដែលមានអារម្មណ៍ថប់បារម្ភ សោកសៅ តានតឹង និងភ័យខ្លាច។ ការរក្សាទម្លាប់ប្រចាំថ្ងៃធម្មតា អាចជួយគ្រប់គ្រងភាពតានតឹងនេះខ្លះ។ វិធីមួយ ដែលយើងអាចធ្វើបានគឺដោយប្រកាន់ខ្ជាប់នូវពេលបាយទៀងទាត់ និងរៀបចំផែនការអាហារជាមុន។ នេះ អាចជួយឱ្យយើងគ្រប់គ្រងកម្រិតនៃភាពអត់ឃ្លានបានប្រសើរជាងមុន បំពេញតម្រូវការសារធាតុចិញ្ចឹមរបស់យើង និងអនុញ្ញាតឱ្យយើងទទួលបានអត្ថប្រយោជន៍ច្រើនបំផុតពីអាហារ ដែលយើងបរិភោគ កាត់បន្ថយរបបអាហារដែលគ្មានប្រយោជាន៍។
ក្នុងអំឡុងពេលស្ត្រេសយូរយើងអាចឃើញថាខ្លួនយើងញ៉ាំច្រើនជាងអ្វីដែលយើងត្រូវការ។ លើសពីនេះទៀត ការស្នាក់នៅក្នុងផ្ទះរយៈពេលយូរជាងនេះ ក៏អាចនាំឱ្យយើងញ៉ាំអាហារសម្រន់ពីភាពធុញទ្រាន់ផងដែរ។ ការអនុវត្តការបរិភោគអាហារ ដែលមានស្មារតីអាចជាយុទ្ធសាស្ត្រមានប្រយោជន៍ ដើម្បីរក្សាទំនាក់ទំនងល្អជាមួយអាហារ និងជួយឱ្យយើងថ្លឹងថ្លែងនូវការទទួលបានថាមពលរបស់យើង។
៣.រក្សាជាតិទឹក
ការរក្សាជាតិទឹក គឺចាំបាច់សម្រាប់សុខភាពទូទៅ។ តើយើងត្រូវការទឹកប៉ុន្មាន គឺអាស្រ័យលើអាយុ ភេទ ទម្ងន់ កម្ពស់ កំរិតសកម្មភាពរាងកាយ និងស្ថានភាពបរិស្ថាន (ឧ. អាកាសធាតុក្តៅនឹងតម្រូវឱ្យអ្នកផឹកទឹកច្រើន) ។
ប្រសិនបើអ្នកមានទឹកស្អាតប្រើប្រាស់ នេះជាភេសជ្ជៈដែលមានសុខភាពល្អ និងថោកបំផុត។ សម្រាប់ការជម្រុញឱ្យវាកាន់តែស្រស់ អ្នកអាចបន្ថែមចំណិតនៃក្រូចឆ្មា ត្រសក់ ជីរអង្កាម ឬផ្លែប៊ឺរី។ ភេសជ្ជៈផ្សេងទៀតដូចជា កាហ្វេ និងតែគ្មានជាតិផ្អែម និងតែឬតែទឹកក្រអូប ឬទឹកគ្មានជាតិស្ករ ក៏ជាជម្រើសដ៏ល្អសម្រាប់ជាតិទឹកផងដែរ។
៤.អនុវត្តអនាម័យអាហារប្រកបដោយសុវត្ថិភាព
យោងតាមអាជ្ញាធរសុវត្ថិភាពចំណីអាហាររបស់អ៊ឺរ៉ុប នាពេលបច្ចុប្បន្ននេះមិនមានភ័ស្តុតាងណាមួយបង្ហាញថាកូវីដ១៩ ត្រូវបានបញ្ជូនតាមរយៈការបរិភោគអាហារទេ។ ទោះយ៉ាងណាក៏ដោយ ការអនុវត្តសុវត្ថិភាពចំណីអាហារល្អ មានសារៈសំខាន់ណាស់ ដើម្បីកាត់បន្ថយហានិភ័យនៃជំងឺអាហារ។
៥.ត្រូវមានសកម្មភាពជានិច្ច
សកម្មភាពរាងកាយមានប្រយោជន៍ទាំងរាងកាយ និងចិត្ត។ មនុស្សពេញវ័យ ដែលមានសុខភាពល្អ គួរតែមានសកម្មភាពរាងកាយយ៉ាងតិច ៣០ នាទីក្នុងមួយថ្ងៃ និងយ៉ាងហោចណាស់ ១ ម៉ោងសម្រាប់ក្មេង ដែលមានសុខភាពល្អ (៥-១៧ ឆ្នាំ) ។
៦.គេងឱ្យបានគ្រប់គ្រាន់
ការគេងមិនគ្រប់គ្រាន់ អាចជះឥទ្ធិពលអវិជ្ជមានដល់សុខភាពផ្លូវកាយ និងផ្លូវចិត្តក៏ដូចជាកាត់បន្ថយសមត្ថភាពប្រព័ន្ធភាពស៊ាំរបស់យើងក្នុងការប្រយុទ្ធប្រឆាំងនឹងការឆ្លង។ បរិមាណនៃការគេង ដែលយើងត្រូវការ គឺអាស្រ័យលើអាយុរបស់យើង។
ជាទូទៅមនុស្សពេញវ័យគួរតែគេងឱ្យបានយ៉ាងហោចណាស់ ៧ ម៉ោងក្នុងមួយយប់។ ភាពតានតឹង ដែលកើតឡើងដោយជំងឺរាតត្បាតរ៉ាំរ៉ៃ (កូវីដ១៩) អាចជះឥទ្ធិពលអវិជ្ជមានដល់ដំណេករបស់យើង។ ដូច្នេះ យើងគួរតែព្យាយាមផ្តល់អាទិភាពដល់ទម្លាប់គេងឱ្យបានល្អ និងធានាថាយើងគេងបានគ្រប់គ្រាន់ហើយ។
៧.ទទួលបានព័ត៌មានពីប្រភពដែលគួរឱ្យទុកចិត្ត
មានព័ត៌មានមិនត្រឹមត្រូវច្រើនជុំវិញកូវីដ១៩ នៅលើអ៊ីនធឺណិត និងប្រព័ន្ធផ្សព្វផ្សាយសង្គម។ វាសំខាន់ណាស់ ដែលយើងទទួលបានព័ត៌មានពីប្រភពដែលអាចទុកចិត្តបាន និងគួរឱ្យទុកចិត្តដូចជាគេហទំព័ររដ្ឋាភិបាល ឬគេហទំព័ររបស់អង្គការជាតិ ឬអន្តរជាតិដែលគួរអោយទុកចិត្ត។
យើងគួរតែព្យាយាមកាត់បន្ថយការមើលព័ត៌មាន ដែលធ្វើឱ្យយើងថប់បារម្ភ និងធ្វើឱ្យប៉ះពាល់ដល់សុខភាពផ្លូវចិត្តរបស់យើង៕
