ការធំធាត់ក្លាយទៅជាយុវវ័យ អាចនឹងធ្វើឲ្យពួកគេពិបាកនឹងដោះស្រាយបញ្ហាកើតមុនលើស្បែកណាស់ ហេតុដូច្នេះហើយទើបបានជាមានយុវវ័យជាច្រើនស្វែងរកអ្នកជំនាញខាងរោគសើស្បែកដើម្បីដោះស្រាយ និងប្រើថ្នាំច្រើនៗ។ យ៉ាងណាមិញ ខ្ញុំមានគន្លឹះងាយៗ ៣ប្រភេទ ដែលអ្នកគួរតែសាកល្បងមើលដែរដើម្បីកំចាត់បញ្ហាមុននេះ។
ចៀសវាងអាហារធ្វើពីទឹកដោះគោ និងអាហារបង្កការរលាកផ្សេងៗទៀត
អាហារធ្វើពីទឹកដោះគោច្រើនតែបង្កជាស្លេស្ម និងបង្កើនការរលាកច្រើនក្នុងរាងកាយ។ អាហារបង្កស្លេស្មអាចបណ្តាលឲ្យស្ទះដល់រន្ធញើស ដែលជាហេតុនាំឲ្យងាយកើតមុនណាស់។ ដូច្នេះចូរសាកល្បងខ្លួនឯង ចៀសវាងការញ៉ាំអាហារបែបនេះ យ៉ាងហោចណាស់ ៦សប្តាហ៍ដើម្បីមើលលទ្ធផល។
ប្រើថ្នាំបំប៉នជាតិស័ង្គសី
ជាតិស័ង្គសីជួយដល់ការបំលែងអ័រម៉ូន Andgrogens ដែលជាអ័រម៉ូននាំឲ្យកើតមុន។ ការលេបថ្នាំបំប៉នជាតិស័ង្គសីយ៉ាងហោចណាស់ ២៥ ទៅ៥០មីលីក្រាមអាចមានប្រយោជន៍ក្នុងការបំបាត់បញ្ហាអ័រម៉ូនបង្កការកើតមុនបាន។ ជាតិស័ង្គសីនេះក៏មានប្រយោជន៍ក្នុងការបង្កើនមុខងារប្រព័ន្ធភាពស៊ាំ ដែលអាចបន្ថយចំនួនបាក់តេរីដែលនាំឲ្យកើតមុនបានដែរ។
ញ៉ាំប្រូបាយអូទិចដែលមានគុណភាពល្អ
ស្បែកមនុស្សយើងគឺជាចំណាំងផ្លាតរបស់ពោះវៀន។ ដូច្នេះបើសិនជាអ្នកមានពោះវៀនមិនល្អ ឬបាក់តេរីល្អៗក្នុងពោះវៀនមិនគ្រប់គ្រាន់ទេ អ្នកទំនងជាអាចមានបញ្ហាស្បែកច្រើនដូចជា ជំងឺមុន តាអក និងការរលាកស្បែក។ ប្រូបាយអូទិចដែលមានគុណភាពល្អនឹងល្អសម្រាប់បង្កើនបាក់តេរីល្អៗក្នុងពោះវៀន ហើយក៏ជួយដល់សុខភាពស្បែកបានដែរ៕
