អ្នកជំនាញខាងជំងឺសរសៃប្រសាទបានបន្តស្វែងរកមធ្យោបាយថ្មីៗជាច្រើនដែលបញ្ជាក់ថា កាហ្វេ តែ និងសូកូឡាអាចធ្វើឲ្យខួរក្បាលមនុស្សយើងកាន់តែមានសុភាពល្អ និងធន់។ ការសិក្សាស្រាវជ្រាវនេះបានកំពុងតែធ្វើឡើងក្នុងឆ្នាំ ២០១៩នេះហើយ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ក្នុងការសិក្សាមួយដែលធ្វើឡើងដោយវិទ្យាស្ថានជាតិខាងផ្នែកស្រាវជ្រាវភាបចាស់ National Institute on Aging Research និង Johns Hopkins University បានចុះផ្សាយការសិក្សារបស់ខ្លួនក្នុងសារព័ត៌មាន Neurochemical Research កាលពីខែមករាកន្លងទៅនេះ បានឲ្យដឹងថា សារធាតុ Methylxanthine ដែលមានក្នុងកាហ្វេ តែ និងសូកូឡាខ្មៅ គឺមានឥទ្ធិពលទៅលើសកម្មភាពបណ្តាញសរសៃប្រសាទ រក្សាមុខងារភាពឆ្លាតវៃ និងអាចការពារសរសៃប្រសាទពីការបាត់បង់មុខងារ និងការស្លាប់លើសត្វមានជំងឺដាច់សរសៃឈាមខួរក្បាលទៀតផង ប៉ុន្តែវាក៏ជួយការពារពីជំងឺភ្លេចភ្លាំងពេលចាស់ជរា និងជំងឺ Parkinson ផងដែរ។ 

ការសិក្សាតែមួយនេះបានរកឃើញទៀតថា សារធាតុ Xanthine ដែលប្រើប្រាស់រួច ហើយបញ្ចេញនៅពេលខួរក្បាលប្រើប្រាស់ជាតិកាហ្វេអ៊ីនដែលមានក្នុងកាហ្វេ តែ និងកាកាវនោះ អាចផ្តល់ជាប្រយោជន៍ជាច្រើនដល់ខួរក្បាល។ ការសិក្សាផ្សេងមួយទៀតបានបង្ហាញថា កាហ្វេ និងតែមិនគ្រាន់តែអាចបន្ថយការប្រឈមនឹងជំងឺភ្លេចភ្លាំងពេលចាស់ជរាទេ តែក៏បន្ថយការប្រឈមនឹងមហារីកខួរក្បាលដែរ។ 

ជាចុងក្រោយ ការសិក្សាដែលធ្វើឡើងដោយ Okayama University បានបង្ហាញថា ការញ៉ាំសារធាតុ Chlorogenic Acid ពីកាហ្វេអាចភ្ញោចសមាសធាតុអង់ទីអុកស៊ីដង់របស់កោសិក Glial Cells និងការពារកុំឲ្យខូចខាតសរសៃប្រសាទបានទៀត។ មានន័យថា ជាតិកាហ្វេអ៊ីនអាចធ្វើឲ្យខួរក្បាលកាន់តែមានភាពបត់បែន និងឆាប់ជាឡើងវិញក្រោយពីខូចខាតរួច។

សរុបសេចក្តីមក បើសិនជាអ្នកចង់ឲ្យខួរក្បាលមានសុខភាពល្អនៅថ្ងៃអនាគត អ្នកគួរតែញ៉ាំកាហ្វេ ឬតែ។ អ្នកប្រហែលជាមិនបានញ៉ាំគ្រប់គ្រាន់ទេមើលទៅ។ ប៉ុន្តែការសិក្សាបានបង្ហាញថា កម្រិតញ៉ាំកាហ្វេប្រចាំថ្ងៃដ៏ល្អនោះគឺពី៦ ទៅ៨ពែង។ (អាន:ថ្នាំងងុយគេង ពេលអ្នកគួរប្រើ)បើសិនជារឿងនេះមើលទៅច្រើនពេកនេះ អ្នកអាចញ៉ាំត្រឹមកាហ្វេមួយឬពីរពែង ជាមួយសូកូឡាខ្មៅមួយស្លាយអីបានហើយ៕