Join with Health.com.kh on Telegram

វាគឺជាសញ្ញាច្បាស់លាស់មួយនៃស្នេហាដ៏ពិតប្រាកដទៅហើយ។ ក្រោយពេលដែលបានណាត់ជួបគ្នាអស់រយៈពេល ១៨ខែរួចមក Tommy បានសុំមិត្តស្រីរបស់ខ្លួនដែលអាយុប្អូនខ្លួន ១៣ឆ្នាំ របៀការតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ពួកគេគឺជាប្តីប្រពន្ធដំបូងគេបំផុតដែលមានជំងឺមិនគ្រប់ទឹក (Down Syndrome) ក្នុងប្រវត្តសាស្រ្ត ហើយឆ្នាំនេះដែរ ពួកគេបានប្រារព្វពិធីខួបអាពាហ៍ពិពាហ៍របស់ខ្លួនរយៈពេល ២៤ឆ្នាំដែរ។ 

Maryanne និង Tommy Pilling បានប្រារព្វពិធីខួបអាពាហ៍ពិពាហ៍របស់ពួកគេនៅឆ្នាំនេះ។ រយៈពេល ២៤ឆ្នាំមកនេះ ពួកគេបានក្លាយទៅជាប្តីប្រពន្ធដែលមានជំងឺមិនគ្រប់ទឹកដំបូងគេបំផុត ហើយក៏បានប្រឈមមុខនឹងការរិះគន់ជាច្រើនផងដែរ។ 

សូមបញ្ជាក់ថា ប្តីប្រពន្ធទាំងពីរនាក់នេះបានជួបគ្នារយៈពេលច្រើនជាង ២៤ឆ្នាំមកហើយនៅឯមជ្ឈមណ្ឌលពិការភាពលើការរៀនសូត្រលើមនុស្សធំ (Adult Learning Disability Cener) ជាកន្លែងមួយដែលពួកគេទាំងពីរនាក់ត្រូវបានគេជួលឲ្យបម្រើការងារក្នុងផ្ទះបាយ។ វាគឺជាស្នេហាពិតដំបូងបំផុតមួយ។ ពួកគេទាំងពីរនាក់បានរៀបការជាមួយគ្នានៅឯ St. Mary ភាគខាងត្បូងនៃប្រទេសអង់គ្លេស ទោះបីជាមានការរិះគន់ជាច្រើនទាក់ទងនឹងមនុស្សដែលមានជំងឺមិនគ្រប់ទឹកប្រភេទនេះមិនអាចរៀបការបានក៏ដោយ។ 

សំណាងដែរ ពួកគេត្រូវបានក្រុមគ្រួសារគាំទ្រ ដោយបងប្អូនស្រីរបស់ Maryanna ឈ្មោះថា Liny បានបញ្ជាក់ថា “អ្វីៗសុទ្ធតែអាចទៅរួចទាំងអស់កាលណាមនុស្សពីរនាក់បានស្រឡាញ់គ្នាទៅវិញទៅមក ហើយវាគួរតែមិនមានអ្វីហាមឃាត់បានឡើយ មិនខ្វល់ថាស្ថិតក្នុងកាលៈទេសៈណាមួយឡើយ”។ 

ក្រោយពីរៀបការរួចមក ប្តីរប្រពន្ធទាំងពីរនាក់បានរស់នៅជាមួយម្តាយរបស់ Maryanna ហើយក្រោយមកពួកគេក៏បានរើទៅនៅផ្ទះដោយខ្លួនបានដែរ។ ថ្វីបើនៅតែមានតម្រូវការជួយជារៀងរាល់ថ្ងៃក៏ដោយ ក៏ពួកគេនៅតែអាចរស់នៅស្រឡាញ់គ្នាបាន មានរឿងដែលចូលចិត្តដូចគ្នា និងរីករាយនូវការចម្អិនម្ហូប ដើរលេង និងលេងកីឡាដែលចូលចិត្តបាន ដូចគេដូចឯង។

តើអ្វីទៅដែលជាអាថ៌កំបាំងរបស់ពួកគេនោះ? (អាន:ថ្នាំងងុយគេង ពេលអ្នកគួរប្រើ)Lindi និយាយថា វាគឺជារឿងមួយសាមញ្ញបំផុត “វាមិនដែលមានគោលបំណង ឬការប៉នប៉ងណាមួយដែលជាភាពអាថ៌កំបាំងឡើយ។ ពួកគេស្រឡាញ់គ្នាទៅវិញទៅមក ដោយចិត្តនឹងចិត្ត ហើយក៏ស្មោះត្រង់ចំពោះគ្នាជានិច្ចផងដែរ”៕