បើក្រោយពីប្រើស្រោមអនាម័យរួច ចេញអាការៈទាំងនេះ វាអាចជាផលរំខានរបស់ស្រោមហើយ

ស្រោមអនាម័យគឺជាជម្រើសនៃការពន្យាកំណើតមួយដែលត្រូវបានគេប្រើប្រាស់យ៉ាងទូលំទូលាយ ព្រមទាំងអាចអាចជួយបន្ថយការឆ្លងជំងឺអេដស៍ និងជំងឺកាមរោគផ្សេងៗទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមពិតទៅ ស្រោមអនាម័យគឺពិបាកនឹងបរាជ័យណាស់នៅពេលប្រើវាដើម្បីពន្យាកំណើត។ ប៉ុន្តែមានអ្នកខ្លះជឿថា ស្រោមអនាម័យអាចមានផលរំខានរបស់វាដែរ។ 

ជាតិកៅស៊ូរបស់ស្រោមអនាម័យអាចបង្កបញ្ហាអាឡែហ្ស៊ីបាន

អជ្ញាធរសុខាភិបាលបានឲ្យដឹងថា ទាំងស្រោមអនាម័យបុរស និងស្រ្តីគឺមិនមានផលរំខានអ្វីទាំងអស់ លើកលែងតែប្រតិកម្មអាឡែហ្ស៊ីលើមនុស្សមួយចំនួនប៉ុណ្ណោះ។ តាមពិតទៅ ស្រោមអនាម័យស្រ្តី មានឱកាសបង្កអាឡែហ្ស៊ីតិចជាងស្រោមអនាម័យបុរសទៅទៀត។ អាការៈអាឡែហ្ស៊ីនឹងជាតិកៅស៊ូរបស់ស្រោមអនាម័យអាចនឹងកើតឡើងនៅរយៈពេលពីរបីនាទីក្រោយពីប៉ះពាល់វា។ អាការៈទាំងនោះមានដូចជា៖ 

• ស្បែកទៅជាក្រហម និងរលាក
• ឡើងកន្ទួល និងហើមស្បែក
• ឡើងក្រហមៗនៅកន្លែងដែលប៉ះពាល់នឹងស្រោមអនាម័យ
• ពិបាកដកដង្ហើម 

ការដែលពីបាកដកដង្ហើមខ្លាំង ដោយមាន ឬគ្មានការធ្លាក់ចុះរបស់សម្ពាធឈាម គឺជាសញ្ញានៃប្រតិកម្ម Anaphylaxis ដែលជាប្រតិកម្មអាឡែហ្ស៊ីធ្ងន់ធ្ងរបំផុត និងត្រូវការការព្យាបាលជាបន្ទាន់។ 

សារធាតុសម្លាប់មេជីវិតឈ្មោលអាចបង្កការរលាករមាស់និងក្រហម

បើសិនជាអ្នកប្រើប្រាស់សារធាតុសម្លាប់មេជីវិតឈ្មោលដើម្បីបង្កើនការការពារកុំឲ្យមានផ្ទៃពោះ អ្នកប្រហែលជាត្រូវពិនិត្យទៅលើសារធាតុគីមីទាំងអស់នោះសិនហើយ ព្រោះវាច្រើនតែមិនដូចគ្នានឹងការប្រើស្រោមអនាម័យទេ។ បើសិនជាអ្នកកំពុងតែមានរោគសញ្ញាអាឡែហ្ស៊ី តែមិនមែនដោយសារតែជាតិកៅស៊ូរបស់ស្រោមអនាម័យទេ អ្នកគួរតែបន្ទោសទៅលើសារធាតុសម្លាប់មេជីវិតឈ្មោលនេះហើយ ដែលជាទូទៅគឺវាបង្កអាការៈរលាកនៅកន្លែងដែលប៉ះពាល់វាតែម្តង។ 

ការបង្ករោគផ្សិតអាចជាផលរំខានមួយសម្រាប់ស្រ្តីដែឬបើសិនជាស្រោមអនាម័យដែលគាត់ប្រើនោះមានលាយជាមួយសារធាតុសម្លាប់មេជីវិតឈ្មោលដែរ។ 

ការប្រើប្រាស់ស្រោមអនាម័យមិនបានត្រឹមត្រូវក៏ប្រឈមខ្ពស់នឹងការមានផ្ទៃពោះដែរ

ពិតណាស់ ផលរំខានខ្លាំងបំផុតនៃការប្រើប្រាស់ស្រោមអនាម័យមិនបានត្រឹមត្រូវគឺធ្វើឲ្យមានផ្ទៃពោះនេះឯង។ យកល្អគួរតែយល់ដឹងអំពីរបៀបនៃការពាក់ស្រោមឲ្យបានត្រឹមត្រូវផង។ (អាន:ថ្នាំងងុយគេង ពេលអ្នកគួរប្រើ)ជាក់ស្តែង មនុស្សភាគច្រើនប្រើស្រោមអនាម័យដែលបរាជ័យមានរហូតដល់ ១៤ ទៅ១៥ភាគរយឯណោះ។ ចូរចាំថា ស្រោមអនាម័យមួយប្រើបានតែម្តងប៉ុណ្ណោះ៕