ចង់បង្ការជំងឺរលាកសន្លាក់ហ្គោដគួរចៀសវាងអាហារអ្វីខ្លះទៅ?

អ្នកដែលមានជំងឺរលាកសន្លាក់ហ្គោដហើយគឺមានការឈឺចាប់ខ្លាំងណាស់ ហើយពេលខ្លះអាចរហូតដល់ត្រូវសម្រាកក្នុងមន្ទីរពេទ្យទៀតផង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ជំងឺមួយនេះអាចជាសញ្ញាមួយនៃជំងឺធ្ងន់ធ្ងរផ្សេងៗទៀតដែរ។ អ្វីដែលពិបាកនោះគឺថា ជំងឺរលាកសន្លាក់ហ្គោដច្រើនតែធ្ងន់ធ្ងរទៅៗពីមួយថ្ងៃទៅមួយថ្ងៃ។ 

មុនពេលយើងនិយាយអំពីអាហារដែលត្រូវចៀសវាង អ្នកគួរតែយល់ដឹងអំពីមូលដ្ឋានរបស់ជំងឺរលាកសន្លាក់ហ្គោដសិន។ ជំងឺនេះគឺជាទម្រងរលាកសន្លាក់មួយប្រភេទដែលបណ្តាលមកពីការកើនឡើងខ្ពស់នៃអាស៊ីតអ៊ុយរិកក្នុងរាងកាយ។ នៅពេលរាងកាយមានចំនួនអាស៊ីតមួយនេះច្រើនពេក វានឹងបង្កើតបានជាគ្រីស្តាលដែលបណ្តាលឱ្យឈឺនៅជុំវិញសន្លាក់យ៉ាងខ្លាំងក្លាយ។ ចំពោះអាហារដែលគួរចៀសវាងនោះមានដូចជា៖

គ្រឿងស្រវឹង

ការញ៉ាំគ្រឿងស្រវឹងញឹកញាប់អាចនាំឱ្យប្រឈមកាន់តែខ្លាំងនឹងជំងឺរលាកសន្លាក់ហ្គោដ។ ការសិក្សាបានឱ្យដឹងថា ស្ត្រីដែលញ៉ាំគ្រឿងស្រវឹងទៀងទាត់អាចប្រឈមនឹងជំងឺរលាកសន្លាក់ហ្គោដកាន់ជាងអ្នកដែលមិនញ៉ាំគ្រឿងស្រវឹងសោះរហូតដល់ ៣ដងឯណោះ។ សម្រាប់បុរសវិញគឺខ្លាំងជាងពីរដង។ គ្រឿងស្រវឹងដែលធ្វើទុក្ខខ្លាំងនោះគឺស្រាបៀរ និងស្រាតែម្តង ព្រោះវានឹងបង្កើនចំនួនអាស៊ីតអ៊ុយរិកក្នុងខ្លួន។ 

ប្រូតេអ៊ីន

សាច់មាន់ សាច់ជ្រូក និងសាច់ផ្សេងៗទៀតសុទ្ធតែអាចប៉ះពាល់ដល់ជំងឺរលាកសន្លាក់ហ្គោដទាំងអស់។ នេះដោយសារតែអាហារទាំងនេះនឹងបំលែងសារធាតុ Purines ទៅជាអាស៊ីតអ៊ុយរិក។ សាច់ និងអាហារសមុទ្រសុទ្ធតែមានសារធាតុ​ Purineទាំងអស់។ ហេតុដូច្នេះហើយទើបអ្នកជំងឺរលាកសន្លាក់ហ្គោដត្រូវបានគេណែនាំមិនឱ្យទទួលទានសាច់ និងអាហារសមុទ្រ។ 

សាច់គ្រឿងក្នុង

បើសិនជាសាច់មិនល្អចំពោះជំងឺរលាកសន្លាក់ហ្គោដហើយ អ្នកក៏មិនត្រូវញ៉ាំសាច់គ្រឿងក្នុងដែរ ព្រោះវាប៉ះពាល់ខ្លាំងជាងសាច់ធម្មតាទៅទៀត ព្រោះសាច់គ្រឿងក្នុងសម្បូរសារធាតុ Purine ណាស់។ សាច់គ្រឿងក្នុងទាំងនោះមានដូចជា ថ្លើមសត្វ បេះដូងសត្វ ខួរសត្វ ក្រលាន និងពោះវៀនតែម្តង។ 

ភេសជ្ជៈមានជាតិហ្គាសឬទឹកផ្លែឈើ

របបអាហារដែលមានបន្ថែមជាតិស្ករសុទ្ធតែប៉ះពាល់ដល់ជំងឺរលាកសន្លាក់ហ្គោដទាំងអស់។ ទឹកផ្លែឈើដែលមានជាតិស្ករប្រភេទ Fructose និង Glucose ឬភេសជ្ជៈមានជាតិហ្គាសក៏អាចប៉ះពាល់ដល់ថ្លើមដែរ។ ការសិក្សាថ្មីបានរកឃើញថា ការញ៉ាំភេសជ្ជៈមានជាតិ Fructose ខ្ពស់ នឹងប្រឈមកាន់តែខ្លាំងនឹងការធ្វើទុក្ខរបស់ជំងឺរលាកសន្លាក់ហ្គោដរហូតដល់ ៨៥ភាគរយឯណោះ។ នេះដោយសារតែ Fructose ទៅបំបែកសារធាតុ Purine ក្នុងរាងកាយទៅជាអាស៊ីតអ៊ុយរិកកាន់តែច្រើន។ ការញ៉ាំផ្លែឈើមានជាតផ្អែមប្រភេទនេះក៏មិនល្អដែរដូច្នេះគួរតែចៀសវាង។ ផ្លែឈើទាំងនោះមានដូចជា ក្រូច និងផ្លែប៉ោមជាដើម។ (អាន:ថ្នាំងងុយគេង ពេលអ្នកគួរប្រើ)

ថ្នាំអាស្ពីរីន 

មានថ្នាំមួយចំនួនដែលអ្នកញ៉ាំក៏អាចប្រឈមនឹងការធ្វើទុក្ខរបស់ជំងឺរលាកសន្លាក់ហ្គោដដែរ។ ថ្នាំទាំងនោះមានដូចជា ថ្នាំអាស្ពីរីនកម្រិតទាប ដែលប្រើសម្រាប់បង្ការជំងឺបេះដូង។ ដូច្នេះបើសិនជាអ្នកមានគ្រួសារធ្លាប់កើតជំងឺរលាកសន្លាក់ហ្គោដ អ្នកគួរតែប្រើរឿងនេះដល់គ្រូពេទ្យឲ្យបានដឹងផង៕