Join with Health.com.kh on Telegram

នៅពេលអ្នកមានជំងឺ ឬមិនស្រួលខ្លួន អ្នកប្រហែលជាមិនមានអារម្មណ៍ចង់ញ៉ាំអ្វីទាំងអស់ ប៉ុន្តែរាងកាយអ្នកនៅតែត្រូវការថាមពលពីអាហារដដែល។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ជាក់ស្តែកសម្រាប់អ្នកជំងឺផ្តាសាយក៏ដូចគ្នាដែរ បើសិនជាអ្នកចង់ឲ្យជំងឺនេះឆាប់ជាទៅវិញ ការប្រើថ្នាំមិនមែនជាជម្រើសល្អបំផុតទេ តែការញ៉ាំអាហារបន្ថែមទើបជាតម្រូវការចាំបាច់។ ដូច្នេះចូរជ្រើសរើសអាហារខាងក្រោមនេះទទួលទានឲ្យបានច្រើនបើសិនជាចង់ឲ្យជំងឺផ្តាសាយឆាប់ជាវិញ។ 

ស៊ុបមាន់

ស៊ុបប្រៃល្មមជាវិធីព្យាបាលបែបបូរាណមួយសម្រាប់ជំងឺគ្រប់ប្រភេទ ជាពិសេសគឺវាល្អបំផុតសម្រាប់ជំងឺផ្តាសាយតែម្តង។ ទឹកក្តៅឧណ្ហៗគឺល្អណាស់សម្រាប់ជួយឲ្យប្រហោងឆ្អឹងក្នុងមុខបើកបានល្អ ហើយក៏ដកដង្ហើមបានកាន់តែស្រួលដែរ។ ចំណែកឯជាតិប្រៃចេញពីស៊ុបព្រមទាំងជាតិសាច់មាន់ទៀត អាចជួយបំបាត់អាការៈរមាស់ ឬរលាកនៅក្នុងបំពង់ករបាន។ 

តែក្តៅ

ភេសជ្ជៈក្តៅឧណ្ហៗដូចជាតែគឺល្អណាស់សម្រាប់ជំងឺផ្តាសាយ។ ចូរបន្ថែមទឹកឃ្មុំបន្តិចទៀតផងបើសិនជាអ្នកមានអាការៈក្អក។ ចូរហាន់ខ្ញីមួយចំនិតដាក់ក្នុងតែនោះផងទៅដើម្បីជួយបន្ថយការរលាក និងបំបាត់ការតឹងច្រមុះ។ អ្នកក៏មិនគួរណាញ៉ាំកាហ្វេទេ ព្រោះជាតិកាហ្វេអ៊ីនអាចរំខានដល់ថ្នាំដែលអ្នកញ៉ាំ ព្រមទាំងបង្កើនការប្រឈមនឹងភាពខ្សោះជាតិទឹកក្នុងខ្លួនទៀត។ 

យ៉ាអួ

យ៉ាអួមានបាក់តេរីផ្តល់សុខភាពរាប់លាន ហើយក៏អាចជួយបង្កើនសុខភាពពោះវៀនថែមទៀតផង។ ការដែលញ៉ាំអាហារមួយនេះ វានឹងជួយរាងកាយប្រឆាំងនឹងជំងឺជាច្រើន ព្រមទាំងជំងឺផ្តាសាយផងដែរ។

រឿងដ៏សំខាន់បំផុតដែលត្រូវចងចាំនោះគឺថា នៅពេលអ្នកមានជំងឺផ្តាសាយ ត្រូវតែធ្វើយ៉ាងណាបង្គ្រប់ជាតិទឹកក្នុងខ្លួនឲ្យបានច្រើន។ ចូរញ៉ាំទឹក ឬតែក្តៅឧណ្ហៗជាទៀងទាត់។ (អាន:ថ្នាំងងុយគេង ពេលអ្នកគួរប្រើ)ចូរចៀសវាងការញ៉ាំជាតិកាហ្វេអ៊ីន និងគ្រឿងស្រវឹងខណៈពេលអ្នកកំពុងតែជាសះស្បើយពីជំងឺផ្តាសាយហើយ៕