Join with Health.com.kh on Telegram

មុននឹងខ្ញុំឆ្លើយសំណួរមួយនេះ យើងគួរតែយល់ដឹងថាតើហ្សែនដើរតួនាទីសំខាន់បែបណាចំពោះជំងឺទឹកនោមផ្អែម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជំងឺទឹកនោមផ្អែមប្រភេទទី២ កើតឡើងដោយសារតែការច្របាច់ចូលគ្នានូវបញ្ហាពីរយ៉ាងក្នុងខ្លួនមនុស្សយើង ទី១ Peripheral Insulin Resistance (មានន័យថាអាំងស៊ុយលីនធ្វើការមិនបានល្អក្នុងការចាប់ជាតិស្ករទៅប្រើប្រាស់ក្នុងកោសិកាខ្លាញ់ សាច់ដុំ និងថ្លើម) និងទី២ មិនមានការបញ្ចេញអាំងស៊ុយលីនពីកោសិកា Beta Cell របស់លំពែងបានគ្រប់គ្រាន់ដើម្បីប្រើប្រាស់។ Insulin Resistance នឹងធ្វើឲ្យកើនឡើងនូវជាតិខ្លាញ់សេរី (Free Fatty Acids) និងជាលិការត្រៀមបង្កការរលាកដូចជា Cytokines ដែលវាមាននាទីមិនឲ្យជាតិស្ករចូលទៅក្នុងកោសិកាសាច់ដុំបាន ដូច្នេះជាតិស្ករនឹងផលិតកាន់តែច្រើនបន្ថែមទៀតពីក្នុងថ្លើម និងការបំបែកកោសិកាខ្លាញ់។ ទោះបីជាយ៉ាងណាក៏ដោយ កាលណាជាតិស្ករផលិតកាន់តែច្រើន អាំងស៊ុយលីនក៏នឹងបញ្ចេញកាន់តែច្រើនដែរ ប៉ុន្តែវាបែរជាធ្វើការមិនកើតទៅវិញ ដូច្នេះអ្នកជំងឺនឹងចេញជាអាការៈជំងឺទឹកនោមផ្អែមដូចជា ស្រេកទឹកខ្លាំង នោមច្រើន អស់កម្លាំង ខ្សោយ និងស្រកទម្ងន់។ 

ដូច្នេះបើយើងនិយាយអំពីបញ្ហាដំណរពូជជំងឺទឹកនោមផ្អែមវិញ យើងមិនអាចបន្ទោសលើហ្សែនតែមួយមុខបានឡើយ វាក៏ត្រូវការកត្តាផ្សេងៗទៀតចូលរួមច្រើនដែរ ដូចជា របៀបរស់នៅបែបស៊ីដេកៗ កង្វះការហាត់ប្រាណ ការញ៉ាំជីវជាតិមិនត្រឹមត្រូវតាំងពីក្មេង កង្វះជីវិជាតិក្នុងរបបអាហារពេលមានបញ្ហាផ្លូវចិត្តធ្ងន់ធ្ងរ ឬបញ្ហារាងកាយ។ 

ថ្វីបើអ្នកមិនអាចទប់ស្កាត់កត្តាហ្សែនបានមែន ប៉ុន្តែអ្នកក៏អាចទប់ស្កាត់កត្តាខាងក្រៅខ្លួនដូចខាងលើបានដែរដើម្បីកាត់បន្ថយឱកាសកើតជំងឺទឹកនោមផ្អែម។(អាន:ថ្នាំងងុយគេង ពេលអ្នកគួរប្រើ) អ្នកអាចចាប់ផ្តើមជាមួយនឹងរបបអាហារផ្តល់សុខភាព របបអាហារសម្បូរជីវជាតិ ជាពិសេសស្រ្តីមានផ្ទៃពោះ ហាត់ប្រាណទៀងទាត់តាំងពីវ័យក្មេងរហូតដល់ពេញវ័យ និងមានទម្លាប់រស់នៅល្អ៕