ជំងឺសុកមិនធ្លាក់អស់ គឺជាជំងឺក្នុងពេលមានផ្ទៃពោះដ៏ធ្ងន់ធ្ងរមួយប្រភេទដែលកើតឡើងនៅពេលសរសៃឈាម និងផ្នែកផ្សេងៗនៃសុកលូតលាស់ ឬចាក់ឬសចូលទៅក្នុងជញ្ជាំស្បូនជ្រៅពេក។ ជាធម្មតាសុកនឹងរបេះចេញពីជញ្ជាំងស្បូនក្រោយពីសម្រាលកូនរួច។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ចំពោះជំងឺសុកមិនធ្លាក់អស់វិញ មានន័យថា ផ្នែកណាមួយ ឬសុកទាំអអស់មិនអាចរបេះចេញ ឬនៅតែជាប់នៅស្បូនដដែល។ ករណីបែបនេះអាចបង្កឲ្យបាត់បង់ឈាមធ្ងន់ធ្ងរក្រោយពីសម្រាលកូនរួច។
ជំងឺសុកមិនធ្លាក់អស់ត្រូវបានគេចាត់ទុកថាជាផលវិបាកនៃការមានផ្ទៃពោះដ៏ខ្ពស់មួយ។ បើសិនជាជំងឺណេះត្រូវបានសង្ស័យថាកើតមានហើយ អ្នកទំនងជាត្រូវការសម្រាលកូនដោយវះកាត់ ហើយត្រូវកាត់ស្បូនចោលតែម្តងទើបសង្គ្រោះជីវិតបាន។
មានកត្តាច្រើនណាស់ដែលធ្វើឲ្យស្រ្តីម្នាក់ប្រឈមខ្លាំងនឹងសម្រាលកូនហើយ សុកធ្លាក់មិនអស់ ដូចជា៖
ធ្លាប់វះកាត់ស្បូនពីមុនមក
បើសិនជាអ្នកធ្លាប់សម្រាលកូនដោយវះកាត់ ឬវះកាត់នៅស្បូនពីមុនមក អ្នកអាចនឹងប្រឈមខ្លាំងនឹងជំងឺសុកមិនធ្លាក់នេះនៅពេលសម្រាលកូនលើកក្រោយ។ កត្តាប្រឈមមុខននេះនឹងកើនឡើងនៅពេលមានការវះកាត់ស្បូនកាន់តែច្រើន។
ទីតាំងរបស់សុកតាំងនៅ
បើសិនជាសុកកាច់សម្បុកគ្របលើមាត់ស្បូនតិចតួច ឬជិតតែម្តងនោះ ឬហៅថាសុកបាំងមាត់ស្បូន មានន័យថា អ្នកនឹងប្រឈមខ្ពស់នឹងជំងឺសុកមិនធ្លាក់ហើយ។
អាយុម្តាយ
ជំងឺសុកធ្លាក់មិនអស់ច្រើនតែកើតឡើងជាញឹកញាប់លើស្រ្តីអាយុចាប់ពី ៣៥ឆ្នាំឡើងទៅ។
ធ្លាប់សម្រាលកូនពីមុនមក
ការប្រឈមនឹងជំងឺសុកមិនធ្លាក់នឹងកើនឡើងទៅតាមការចំនួនដងនៃការសម្រាលកូនរបស់អ្នក។
មានជំងឺនៅស្បូន
ការប្រឈមនឹងជំងឺសុកមិនធ្លាក់អស់នឹងមានខ្ពស់បើសិនជាអ្នកមានភាពមិនធម្មតា ឬមានស្នាមសម្លាកនៅលើជាលិកាស្បូន។ (អាន:ថ្នាំងងុយគេង ពេលអ្នកគួរប្រើ) ការមានដុំសាច់ស្លូតលូតលាស់នៅក្នុងស្បូនក៏អាចប្រឈមនឹងសុកមិនធ្លាក់អស់ដែរ៕