ស្រ្តីដែលមានបញ្ហាប៉ះទង្គិចផ្លូវចិត្ត អាចជាកត្តាប្រឈមមុខមួយនៃជំងឺមហារីកក្រពេញអូវ៉ែ

ការសិក្សាមួយបានបញ្ជាក់ឲ្យដឹងថា ការរស់នៅជាមួយនឹងជំងឺស្រ្តេសក្រោយប៉ះទង្គិចផ្លូវចិត្តនឹងអ្វីមួយ (Post-Traumatic Stress Disorder, PTSD) ប្រហែលជាធ្វើឲ្យស្រ្តីងាយប្រឈមខ្លាំងនឹងជំងឺមហារីកក្រពេញអូវ៉ែបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អ្នកស្រាវជ្រាវបានធ្វើការពិនិត្យទិន្នន័យបានពីការសិក្សាថ្នាក់ជាតិមួយដែលមានស្រ្តីជនជាតិអាមេរិកជាង ៥៥០០០នាក់ ហើយបានធ្វើសេចក្តីសន្និដ្ឋានថា អ្នកដែឡមានអាការៈជំងឺ PTSD ពី ៦ ទៅ៧ចំណុច ដូចជា ងាយនឹងមានប្រតិកម្មផ្លូវចិត្តដោយសារតែសម្លេង ឬកំពុងតែចៀសវាងការរំលឹកឡើងវិញនៃបទពិសោធន៍ដែលជួបប្រទះ ក្នុងជីវិតរបស់ពួកគេនៅពេលវេលាណាមួយនោះ គឺមានការប្រឈមនឹងជំងឺមហារីកក្រពេញអូវ៉ែរហូតដល់ពីរដងបើប្រៀបធៀបនឹងអ្នកដែលមិនធ្លាប់មានអាការៈជំងឺ PTSD នេះ។ 

ស្រ្តីដែលមានអាការៈ PTSD ៤ទៅ ៥ចំណុចក្នុងជីវិតរបស់ពួកគេ ក៏ប្រឈមកាន់តែខ្ពស់នឹងមហារីកក្រពេញអូវ៉ែដែរ ប៉ុន្តែការប្រឈមនេះមិនទាន់ដល់ស្ថិតិមួយដែលគួរឲ្យកត់សម្គាល់នៅឡើយទេ។ ការសិក្សាទៅលើសត្វបានបង្ហាញថា ភាពស្រ្តេស និងស្រ្តេសអ័រម៉ូនអាចជាជំហានធ្វើឲ្យដុំសាច់មហារីកក្រពេញអូវ៉ែលូតលាស់កាន់តែលឿន ហើយការដែលស្រ្តេសរ៉ាំរ៉ៃក៏ជាប់ទាក់ទងនឹងការលូតលាស់ដុំសាច់មហារីកកាន់តែធំ និងរាលដាលទៅកន្លែងផ្សេងនៃរាងកាយដែរ។ ការសិក្សាទៅលើមនុស្សបានបង្ហាញនូវទំនាក់ទំនងមួយរវាង PTSD និងមហារីកក្រពេញអូវ៉ែ ប៉ុន្តែវាមានការចូលរួមតែស្រ្តី ៧នាក់ប៉ុណ្ណោះដែលមានជំងឺមហារីកក្រពេញអូវ៉ែ និង PTSD។ វាមិនខុសគ្នានឹងការសិក្សានេះទេ ការស្រាវជ្រាវគ្រាន់តែរកឃើញទំនាក់ទំនង តែមិនបានឃើញពីមូលហេតុ និងឥទ្ធិពលរបស់វាដែលទាក់ទងគ្នាឡើយ។ 

ជំងឺមហារីកក្រពេញអូវ៉ែត្រូវបានគេហៅថា ជាឃាតករឈាមត្រជាក់ ដោយសារតែវាពិបាកនឹងរកឃើញក្នុងដំណាក់កាលភ្លាមៗ ដូច្នេះការសម្គាល់អ្វីៗដែលពិសេសថាអាចធ្វើឲ្យប្រឈមខ្ពស់នឹងជំងឺនេះគឺជារឿងសំខាន់មួយក្នុងការបង្ការ ក៏ដូចជាឆាប់ទទួលបានការព្យាបាលទាន់ពេលវេលា។ (អាន:ថ្នាំងងុយគេង ពេលអ្នកគួរប្រើ)ការស្រាវជ្រាវមួយនេះត្រូវបានចុះផ្សាយក្នុងសារព័ត៌មាន Journal Cancer Research៕