ការឃ្លាន និងស្រេកទឹកខ្លាំងត្រូវបានគេចាត់ទុកថាជាសញ្ញារបស់ជំងឺទឹកនោមផ្អែម ប៉ុន្តែអាការៈរមាស់ស្បែកក៏អាចជាលក្ខណៈមួយរបស់ជំងឺនេះដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នេះហើយគឺជាហេតុផលដែលមនុស្សភាគច្រើនដែលមានបញ្ហារមាស់ស្បែក និងស្បែកស្ងួតច្រើនតែច្រឡំថាខ្លួនឯងមានបញ្ហាស្បែកចៀសជំងឺទឹកនោមផ្អែមទៅវិញ។ ប៉ុន្តែតើអ្វីទៅជាហេតុផលនៅពីក្រោយរឿងនេះទៅ?
អាការៈរមាស់ស្បែកគឺជាសញ្ញាញឹកញាប់មួយរបស់ជំងឺទឹកនោមផ្អែម ហើយបើសិនជាអ្នកកំពុងតែជួបបញ្ហាដោយសារតែជំងឺទឹកនោមផ្អែមរយៈពេលយូរ វាក៏អាចបណ្តាលឲ្យស្បែកស្ងួតដែឬ។ នេះដោយសារតែការលើសជាតិស្ករក្នុងឈាមនឹងផ្តល់ជាអំណោយផលយ៉ាងល្អដល់ការលូតលាស់មេរោគផ្សិត ហើយវាក៏ងាយប្រឈមខ្លាំងនឹងការបង្ករោគដោយផ្សិត និងបាក់តេរីផងដែរ។ បើសិនជាការបង្ករោគរាលដាលទៅប្រដាប់ភេទ វាអាចនឹងបង្កជាជំងឺប៉េស និងជំងឺផ្សេងៗទៀតដូចជា រលាកទ្វារមាស និងរលាកលិង្គ ដែលវាច្រើនតែកើតមានជាញឹកញាប់លើអ្នកជំងឺទឹកនោមផ្អែមតែម្តង។ អាការៈស្រែងលើរាងកាយក៏ងាយនឹងកើតផងដែរ។
ជាមួយគ្នានេះដែរ កាលណាជាតិស្ករក្នុងឈាមឡើងខ្ពស់ដោយមិនមានការគ្រប់គ្រងល្អនោះនឹងប៉ះពាល់ដល់ក្រពេញសេបូម និងក្រពេញញើស ដែលនាំឲ្យរមាស់ប្រអប់ជើង និងជើង ដែលបង្កឡើងដោយមេរោគផ្សិតតែម្តង។
តើគួរដោះស្រាយបញ្ហារមាស់ស្បែកនេះដូចម្តេចទៅ?
ក្រៅពីគ្រប់គ្រងជាតិស្ករក្នុងឈាមតាមរយៈការប្រើថ្នាំទៅតាមវេជ្ជបញ្ជាពីគ្រូពេទ្យហើយនោះ យកល្អគួរតែគ្រប់គ្រងកត្តាជាច្រើនដែលអាចប្រឈមខ្លាំងនឹងជំងឺទឺកនោមផ្អែមដែរដូចជា៖
- ករណីកើតជំងឺស្រែងលើស្បែក យកល្អគួរតែចៀសវាងការបែកញើសច្រើន ព្រោះវានឹងបង្កការរមាស់កាន់តែខ្លាំង។
- ស្លៀកសម្លៀកបំពាក់រលង់ៗដើម្បីស្បែកមានកន្លែងដកដង្ហើម
- ថែរក្សាអនាម័យឲ្យបានល្អ តាមរយៈការងូតទឹកជាទៀងទាត់ អាចជាពីរដងក្នុងមួយថ្ងៃ។
- បើសិនជាអ្នកពាក់ស្រោមជើងពី ១២ ទៅ១៤ម៉ោងក្នុងមួយថ្ងៃ ចូរប្រាកដថា ថែរក្សាប្រអប់ជើងឲ្យស្ងួត និងគ្មានញើស(អាន:ថ្នាំងងុយគេង ពេលអ្នកគួរប្រើ)
- បើសិនជាអ្នកមានជំងឺទឹកនោមផ្អែម ការផ្លាស់ប្តូរអាកាសធាតុដូចជាក្តៅ និងស្ងួត និងរដូវរងា វាអាចនឹងបង្កបញ្ហាអាឡែហ្ស៊ីដែលនាំឲ្យរមាស់ស្បែកបាន។ ដូច្នេះយកល្អគួរតែពិគ្រោះជាមួយគ្រូពេទ្យជំនាញខាងរោគសើស្បែកដើម្បីដោះស្រាយរោគសញ្ញានេះទៅ៕