ក្រៅពីគេងជាមួយប្តី ស្រ្តីគួរតែឧស្សាហ៍ទទួលទានអាហារទាំងនេះផងបើសិនជាចង់ឆាប់មានកូន

តើអ្នកធ្លាប់ព្យាយាមចង់មានផ្ទៃពោះ ហើយអត់ជោគជ័យដែរទេ? ការញ៉ាំអាហារសម្បូរជីវជាតិអាចជួយដល់ប្រព័ន្ធប្រដាប់បន្តពូជអ្នកមានសុខភាពល្អបាន។ នៅពេលវាមានសុខភាពល្អហើយ ឱកាសនៃការមានផ្ទៃពោះក៏មានច្រើនទៅតាមហ្នឹងដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខាងក្រោមនេះគឺជាអាហារមួយចំនួនដែលសម្បូរទៅដោយជីវជាតិ និងវីតាមីនដែលអាចជួយបង្កើនសុខភាពមេជីវិតញីកាន់តែខ្លាំងក្លា ព្រមទាំងឆាប់មានផ្ទៃពោះទៀតផង។ 

សណ្តែក

ជាតិដែកគឺជារបស់ដ៏សំខាន់សម្រាប់សុខភាពមេជីវិតញី ហើយកាលណាកង្វះជីវជាតិមួយនេះអាចនឹងមានផលអវិជ្ជមានដល់ការជ្រុះអូវុលទៀតផង។ សណ្តែកសម្បូរទៅដោយជាតិដែកបំផុតដែលអាចបង្កើនសុខភាពមេជីវិតញីបាន។ ដូច្នេះចូរប្រាកដថា អ្នកបានញ៉ាំសណ្តែកយ៉ាងហោចណាស់មួយចានដែរជារៀងរាល់ថ្ងៃ។ 

ចេក

ការកង្វះវីតាមីន B6 អាចបណ្តាលឲ្យមេជីវិតញីគ្មានគុណភាព ព្រមទាំងមករដូវមិនទៀងដែរ។ ដូច្នេះចូរញ៉ាំផ្លែចេកយ៉ាងហោចណាស់ពីរផ្លែជារៀងរាល់ថ្ងៃដើម្បីបង្កើនចំនួនវីតាមីន B6 ក្នុងខ្លួន។ វីតាមីននេះដែរក៏ជួយពង្រឹងដល់ភ្នាសកម្រាលរបស់ស្បូន ដូច្នេះវានឹងកាត់បន្ថយឱកាសនៃការរលូតបានយ៉ាងល្អ។ 

ស៊ុត

ប្រូតេអ៊ីនគឺជាសារធាតុមួយសម្រាប់ធ្វើឲ្យមេជីវិតឈ្មោលមានសុខភាពល្អ និងជំរុញ​ឱកាសការមានផ្ទៃពោះទៀតផង។ ដូច្នេះចូរប្រាកដថា អ្នកបានញ៉ាំស៊ុតច្រើនហើយ។ ក្រៅពីនេះស៊ុតក៏មានវីតាមីន D ដែលអាចជួយឲ្យរដូវមកទៀងទាត់ផងដែរ។ 

ត្រី

ត្រីដូចជាសាលម៉ុង ឬធូណា សុទ្ធតែមានប្រយោជន៍ច្រើនណាស់សម្រាប់ស្រ្តីដែលកំពុងតែចង់មានផ្ទៃពោះ ព្រោះវាសម្បូរទៅដោយអាស៊ីតខ្លាញ់អូមេហ្គាបីដែលទំនងជាធ្វើឲ្យមេជីវិតញីមានគុណភាពល្អ។ វាក៏មានសារធាតុប្រឆាំងការរលាកដែរ ដូច្នេះវាក៏អាចដោះស្រាយបញ្ហាជំងឺរលាកផ្សេងៗបានយ៉ាងស្រួល។ 

ផ្លែប័រ

យកល្អគួរតែធ្វើយ៉ាងណាញ៉ាំវីតាមីន D ឲ្យបានគ្រប់គ្រាន់។ តាមការសិក្សាបានឲ្យដឹងថា វីតាមីន D ជួយពង្រឹងដល់វដ្តរដូវមនុស្សស្រីកាន់តែទៀងទាត់ និងជួយជំរុញដល់ឱកាសនៃការមានផ្ទៃពោះទៀតផង។ (អាន:ថ្នាំងងុយគេង ពេលអ្នកគួរប្រើ)ដូច្នេះផ្លែប័រគឺជាប្រភពវីតាមីន D ដ៏ល្អបំផុតហើយ៕