បើសិនជាឪពុកម្តាយអ្នកចេះតែចង់ឲ្យអ្នកញ៉ាំផ្លែប៉ោមមួយថ្ងៃមួយផ្លែ មានន័យថា គាត់ប្រហែលជាដឹងអំពីសុភាសិតមួយដែលនិយាយថា មួយថ្ងៃញ៉ាំផ្លែប៉ោមមួយផ្លែនឹងមិនត្រូវការគ្រូពេទ្យព្យាបាលទេ។ ប៉ុន្តែមានការពិតជាច្រើននិយាយអំពីរឿងនេះ តែតើគួរញ៉ាំផ្លែឈើ និងបន្លែច្រើនប៉ុណ្ណាជាប្រចាំទៅ?(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

តើអ្នកគួរតែញ៉ាំផ្លែប៉ោមមួយថ្ងៃមួយផ្លែដែរទេ?

តាមការសិក្សាមួយបានរកឃើញថា ការញ៉ាំផ្លែប៉ោមមួយផ្លែមិនជាប់ទាក់ទងនឹងការទៅជួបពេទ្យតិចឬច្រើនឡើយ តែការស្រាវជ្រាវបានបញ្ជាក់ថា ការញ៉ាំផ្លែឈើ និងបន្លែជាទៀងទាត់ដូចជា ផ្លែប៉ោម សម្រាប់ជាផ្នែកមួយនៃរបបអាហារមានតុល្យភាពអាចជួយបង្ការជំងឺរ៉ាំរ៉ៃ និងរក្សាសុខភាពឲ្យនៅល្អបាន។ 

យ៉ាងណាមិញការបន្ថែមផ្លែប៉ោមទៅក្នុងរបបអាហារប្រចាំថ្ងៃតែងតែជារឿងដ៏ល្អមួយ ហើយក៏មានប្រយោជន៍ដូចខាងក្រោមនេះ៖

មានអារម្មណ៍ឆ្អែត

ផ្លែប៉ោមជាប្រភេទផ្លែឈើដែលថែរក្សាទំហំចង្កេះ។ ការដាក់ផ្លែប៉ោមតាមខ្លួនសម្រាប់ញ៉ាំជាអាហារសម្រន់ពិតជារឿងមួយល្អ ទាំងពេលព្រឹក ថ្ងៃត្រង់ និងយប់។ 

សុខភាពពោះវៀន

ផ្លែប៉ោមផ្ទុកទៅដោយចំនួនជាតិសរសៃដ៏ល្អ រួមទាំង Prebiotic Fiber Pectin ដែលអាចជួយចិញ្ចឹមមេរោគល្អៗក្នុងពោះវៀន ទ្រទ្រង់ការលូតលាស់របស់វា និងផ្តល់ជីវជាតិ ដូច្នេះវាក៏អាចសម្រួលដល់សុខភាពក្រពះពោះវៀនកាន់តែមានប្រសិទ្ធភាពផងដែរ។ 

បន្ថយការប្រឈមនឹងមហារីក

ការសិក្សាជាច្រើនបានភ្ជាប់ទំនាក់ទំនងជាពិសេសរវាងការញ៉ាំផ្លែប៉ោម និងការថយចុះនៃការប្រឈមនឹងជំងឺមហារីក ជាពិសេសមហារីកសួតតែម្តង។ (អាន:ថ្នាំងងុយគេង ពេលអ្នកគួរប្រើ)ស្រ្តីដែលញ៉ាំផ្លែប៉ោមយ៉ាងហោចណាស់មួយផ្លែក្នុងមួយថ្ងៃ អាចបន្ថយការប្រឈមនឹងជំងឺមហារីកសួតបាន៕