មិនមែនមានតែមនុស្សចាស់ទេដែលមានអារម្មណ៍ឯកា មនុស្សគ្រប់វ័យនិងប្រវត្តទាំងគ្រប់យ៉ាងសុទ្ធតែអាចរងគ្រោះដល់ភាពឯកានេះឯង។ អ្នកខ្លះ ទោះបីជារស់នៅជាមួយមនុស្សដែលខ្លួនស្រឡាញ់ ឬអ្នកធ្វើការជាមួយគ្នាជុំវិញខ្លួនហើយក៏នៅតែអាចមានអារម្មណ៍ឯកា ឬចូលចំណោមគេមិនចុះផងដែរ។ តើអ្វីទៅជាអារម្មណ៍ឯកា?(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ភាពឯកាគឺជាការឆ្លើយតបខាងផ្លូវចិត្តមួយទៅលើពេលវេលាដែលយើងមានអារម្មណ៍ថាមិនអាចចូលចំណោមគេចុះចំពោះផ្លូវកាយ ឬចិត្ត។ ភាពឯកាកើតឡើងដោយសារតែហេតុផលមួយចំនួន ប៉ុន្តែអ្វីដែលសំខាន់នោះគឺយើងត្រូវសម្គាល់ថា អារម្មណ៍នេះមិនមែនបណ្តាលមកពីភាពនៅតែឯងឡើយ។ មានន័យថា យើងមានមនុស្សនៅជុំវិញខ្លួនហើយ តែយើងបែរជាមិនមានអារម្មណ៍ថា មានទំនាក់ទំនងខាងផ្លូវកាយ និងចិត្តជាមួយពួកគេទៅវិញ។
ភាពឯការ និងសុខភាពផ្លូវចិត្ត
បើសិនជាអ្នកកំពុងតែពិបាកស្រាប់ជាមួយនឹងសុខភាពផ្លូវចិត្ត ការដែលមានអារម្មណ៍ឯកាក៏អាចជំរុញឲ្យមានរោគសញ្ញាជំងឺនេះកាន់តែខ្លាំង ដែលវាកាន់តែពិបាកជួយថែមទៀតផង។ ភាពឯកាមិនមែនជាជំងឺផ្លូវចិត្តដោយខ្លួនវាឡើយ តែវាអាចជំរុញឲ្យមានបញ្ហាកាន់តែធំដល់សុខភាពផ្លូវចិត្តបាន។ បើសិនជាអ្នកមានអារម្មណ៍ឯក អ្នកក៏ទំនងជាមានបញ្ហាសុខភាពផ្លូវចិត្តដែលអ្នកមិនធញលាប់មានដែរ។ យោងទៅតាមការស្រាវជ្រាវបានឲ្យដឹងថា អ្នកដែលមានអារម្មណ៍ឯកា ប្រហែលជាប្រឈមខ្ពស់នឹងអារម្មណ៍មិនមានសន្តិសុខក្នុងខ្លួន និងកើតជាជំងឺសរសៃប្រសាទដូចជា បាក់ទឹកចិត្ត និងថប់អារម្មណ៍ផង។
ភាពឯក និងសុខភាពផ្លូវកាយ
ការដែលធ្លាប់មានភាពឯកាមិនគ្រាន់តែជាបញ្ហាសម្រាប់សុខភាពផ្លូវចិត្តទេ តែវាក៏អាចប៉ះពាល់ដល់សុខភាពផ្លូវកាយដែរ។ ការសិក្សាមួយបានរកឃើញថា ការដែលមានអារម្មណ៍ឯកា មានជាប់ទាក់ទងនឹងការប្រឈមការស្លាប់កាន់តែខ្ពស់ក្នុងរយៈពេល ៦ឆ្នាំ។ ការសិក្សាមួយទៀតបានរកឃើញថា ការនៅមិនចុះសម្រុងនឹងគេ អាចប៉ះពាល់ដល់សុខភាពដូចការជក់បារី ១៥ដើមក្នុងមួយថ្ងៃអ៊ីចឹង។ ការបន្តមានអារម្មណ៍ស្រ្តេសជាប់អាចបង្កទុក្ខដល់ប្រព័ន្ធភាពស៊ាំ ដែលអាចនាំឲ្យងាយនឹងរងការបង្ករោគបាន។ (អាន:ថ្នាំងងុយគេង ពេលអ្នកគួរប្រើ)
ក្រៅពីនេះ ភាពឯកាអាចជាប់ទាក់ទងនឹងការប្រឈមកាន់តែខ្លាំងនឹងជំងឺដែលគម្រាមគំហែងដល់អាយុជីវិតបានដូចជា៖
- មហារីក
- ទឹកនោមផ្អែម
- លើសសម្ពាធឈាម
- ដាច់សរសៃឈាមខួរក្បាល
- ជំងឺបេះដូង៕