ឲ្យតែមករដូវ ដឹងតែឈឺក្បាលបែបប្រកាំងតែម្តង ម៉េចចឹង?

មនុស្សច្រើនតែមានរឿងធ្វើទុក្ខដល់សុខភាពខ្លួនឯងច្រើន ជាពិសេសពេលមករដូវតែម្តង។ ទោះបីជាអ្នកសំណាងបំផុតក៏ជួបបញ្ហាការមករដូវប្រកបដោយការមិនមានផាសុកភាពដែរ។ គ្មានស្រ្តីណាមួយដែលចូលចិត្តការឈឺពោះបែបរមួលៗ និងអារម្មណ៍មិនល្អឡើយ។ ប៉ុន្តែការមករដូវរាល់ខែបែបនេះក៏អាចបង្កជាការឈឺក្បាលដែលនាំឲ្យប៉ះពាល់ដល់ជីវិតរស់នៅប្រចាំថ្ងៃបានដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ក្នុងនោះដែរ មានស្រ្តីច្រើនជាងពាក់កណ្តាលឯណោះដែលជួបបញ្ហាឈឺក្បាល ហើយក៏ជាការឈឺក្បាលបែបប្រកាំងទៀតក្នុងពេលមករដូវ។ 

យោងទៅតាម Migraine Trust បានឲ្យដឹងថា ការឈឺក្បាលបែបប្រកាំងជាប់ទាក់ទងនឹងការចុះទាបនៃអ័រម៉ូនអេស្រ្តូជែន។ ការសិក្សាបានបង្ហាញថា ការឈឺក្បាលរបៀបនេះភាគច្រើនទំនងជាកើតឡើងរយៈពេលពីរថ្ងៃមុនពេលមករដូវ និងរយៈពេល៣ថ្ងៃដំបូងនៃការមករដូវ។ រឿងនេះច្រើនតែមិនប៉ះពាល់នឹងភ្នែកឡើយ តែវាមានរយៈពេលយូរជាងការឈឺក្បាលផ្សេងៗទៅវិញ។ ដោយសារតែការឈឺក្បាលបែបនេះជាប់ទាក់ទងនឹងបម្រែបម្រួលអ័រម៉ូន ដូច្នេះអ្នកអាចអនុវត្តវិធីព្យាបាលដោយខ្លួនឯងដូចខាងក្រោមនេះបាន៖

ធ្វើរឿងខ្លះមុន

នៅពេលមានអាការៈឈឺក្បាល ចូរធ្វើសកម្មភាពខ្លះមុនពេលវាវិវត្តទៅជាធ្ងន់ធ្ងរដូចជា៖

• ចូរទៅឱសថដ្ឋានដើម្បីផ្សំថ្នាំបំបាត់ការឈឺចាប់ឲ្យហើយ
• ចូរញ៉ាំទឹកមួយកែវ ហើយញ៉ាំអាហារមានជាតិកាបូអ៊ីដ្រាតខ្លះ
• បើសិនជាចង្អោ ចូររកថ្នាំបំបាត់ការក្អួតណាដែលអាចជួយឲ្យក្រពះធ្វើការបានធម្មតា ព្រោះវានឹងជួយឲ្យរាងកាយបឺតស្រូបជីវជាតិ និងអាហារបានដដែល

ចៀសវាងមូលហេតុ

អាហារ និងភេសជ្ជៈខ្លះអាចធ្វើឲ្យការឈឺក្បាលដោយសារតែមករដូវកាន់តែធ្ងន់ធ្ងរបាន។ ថ្វីបើរឿងនេះអាចដោះស្រាយបាយតាមរយៈការញ៉ាំអាហារដូចជា សូកូឡា និងស្រា តែវាប្រហែលជាធ្វើឲ្យការឈឺក្បាលបែបប្រកាំងកាន់តែធ្ងន់ធ្ងរលើស្រ្តីមួយចំនួនដែរ។ ដូច្នេះចូរកត់ចំណាំអាហារណាមួយដែលធ្វើឲ្យវាកាន់តែធ្ងន់ធ្ងរ និងព្យាយាមចៀសវាង។

ញ៉ាំទឹកឲ្យច្រើន

ការខ្សោះជាតិទឹកក្នុងខ្លួនក៏ជាដើមហេតុនាំឲ្យឈឺក្បាលបែបប្រកាំងដែរ។ ជាមួយនឹងការរស់នៅដ៏មរមាញឹក វាអាចពិបាកនឹងចងចាំថា ត្រូវញ៉ាំទឹកឲ្យបានច្រើន ដូច្នេះចូរព្យាយាមញ៉ាំទឹកមួយកែវក្រោយពេលងូតតឹករួច ព្រោះវាអាចជារឿងដែលអាចធ្វើបានលឿន។ ចូរញ៉ាំទឹកពីរទៅពីរកែវកន្លះក្នុងមួយថ្ងៃ ដើម្បីបន្ថយភាពធ្ងន់ធ្ងរ និងរយៈពេលនៃការឈឺក្បាលបាន។ 

ចូរមានទម្លាប់ជាប់លាប់

ចូរអនុវត្តទម្លាប់ដែលទៀងទាត់ឲ្យបានច្រើនបំផុតតាមតែអាចទៅបានជាពិសេសការញ៉ាំអាហារ ពេលវេលាចូលគេង និងការភ្ញាក់ពីគេងរាល់ព្រឹក ព្រមទាំងពេលវេលាសម្រាប់ហាត់ប្រាណផងដែរ។ បើសិនជាអ្នកឈឺក្បាល ខួរក្បាលប្រហែលជាអាចស៊ាំនឹងការប្រែប្រួលរបស់មជ្ឈដ្ឋានជុំវិញដែលខួរក្បាលគិតថាមានការគម្រាមគំហែង។ ដូច្នេះចូររៀបចំកាលវិភាគឲ្យបានត្រឹមត្រូវ និងអនុវត្តឲ្យបានជាប់លាប់ដើម្បីបន្ថយឱកាសនៃការឈឺក្បាល។ (អាន:ថ្នាំងងុយគេង ពេលអ្នកគួរប្រើ)

ប្រើថ្នាំបំបាត់ឈឺ

ថ្នាំបំបាត់ការឈឺចាប់ដែលគ្មានវេជ្ជបញ្ជាគឺជាជម្រើសមួយដែលអាចធ្វើបានដើម្បីបំបាត់ការឈឺចាប់ពេលមករដូវ ហើយឈឺក្បាលផង។ ថ្នាំប្រភេទនេះគឺអាចរកទិញបានយ៉ាងស្រួលតាមឱសថដ្ឋាននានា៕