ខួរក្បាលមនុស្សយើងគឺជាសរីរាង្គស៏សំខាន់បំផុតរបស់រាងកាយ។ ខួរក្បាលត្រូវការសម្រួលមុខងារផ្សេងៗជាច្រើន និងដំណើរការណ៍នានាដូចជា ចង្វាក់បេះដូង ការដកដង្ហើម ការរំលាយអាហារ និងរឿងគ្រប់យ៉ាង។ ការថយចុះភាពឆ្លាតវៃអាចចាប់ផ្តើម ឬពន្យាពេលក៏ដោយសារតែកត្តាខុសៗគ្នាជាច្រើនដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែរបបអាហាររបស់យើងគឺជារឿងល្អបំផុតសម្រាប់បង្ការបញ្ហាថយចុះភាពឆ្លាតវៃរយៈពេលយូរ។
យោងទៅតាមការសិក្សាថ្មីដែលចុះផ្សាយក្នុងសារព័ត៌មាន Journal Alzheimer’s and Dementia បានឲ្យដឹងថា របបអាហារសម្បូរទៅដោយបន្លែ ផ្លែឈើ សណ្តែកខៀវ ប្រេងអូលីវ និងសណ្តែកដី អាចបន្ថយការកើតជាជំងឺខូចសរសៃប្រសាទបានយ៉ាងអស្ចារ្យសម្រាប់ជីវិត។ ចំណែកឯរបបអាហាររបស់ប្រជាជនមេឌីទែរ៉ាណេវិញ ក៏បន្ថយការខូចខាងខាងភាពឆ្លាតវៃដែរ ប៉ុន្តែមិនបន្ថយការចុះខ្សោយខាងមុខងារឆ្លាតវៃវិញ។
របបអាហារបែបប្រជាជនមីឌីទែរ៉ាណេគឺជាទម្លាប់ពិសេសមួយដែលញ៉ាំផ្លែឈើ បន្លែ គ្រាប់ធញ្ញជាតិ សណ្តែកខៀវ សណ្តែកដី ត្រី ប្រេងអូលីវ និងបន្ថយការញ៉ាំសាច់ក្រហម និងគ្រឿងស្រវឹង។ មនុស្សមានទម្លាប់ញ៉ាំត្រីច្រើនតែមានមុខងារឆ្លាតវៃខ្ពស់ និងភាពចុះខ្សោយមានតិចវិញ។ (អាន:ថ្នាំងងុយគេង ពេលអ្នកគួរប្រើ)
ថ្វីបើអ្នកវិទ្យាសាស្រ្តជាច្រើនមិនទាន់ច្បាស់ថា តើរបៀបដែលរបបអាហារបែបប្រជាជនមីឌីទែរ៉ណាអាចជួយដល់ខួរក្បាលដូចម្តេចក៏ដោយ តែរបបអាហារនេះត្រូវបានបង្ហាញថា អាចពង្រឹងដល់សុខភាពបេះដូងសរសៃឈាម ដែលអាចបន្ថយការប្រឈមនឹងភាពភ្លេចភ្លាំងបាន ខណៈពេលដែលរបបអាហារបែបលោកខាងលិចវិញ (សាច់ក្រហម ផ្អែម ប្រៃ ខ្លាញ់) ជាប់ទាក់ទងប្រឈមខ្ពស់នឹងជំងឺបេះដូងសរសៃឈាម ដែលនាំឲ្យខូចខាងដល់ខួរក្បាលកាន់តែលឿនវិញ៕