ជំងឺបេះដូងសរសៃឈាម គឺជាក្រុមជំងឺមួយចំនួនដែលកើតឡើងលើបេះដូង និងសរសៃឈាម ហើយក៏ជាមូលហេតុលេខមួយដែរ ដែលនាំឲ្យមនុស្សស្លាប់ទូទាំងពិភពលោក។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជំងឺបេះដូងសរសៃឈាមមានដូចជា ជំងឺសរសៃឈាមបេះដូង ជំងឺសរសៃឈាមខួរក្បាល ជំងឺបេះដូង Rheumatic ជាដើម។ សំណាងដែរ ជំងឺបេះដូងភាគច្រើនអាចបង្ការបានជាមួយនឹងរបៀបរស់នៅដែលផ្តល់សុខភាពដូចខាងក្រោមនេះ៖
រស់នៅបែបសកម្ម
ការរស់នៅបែបសកម្មរាងកាយមិនត្រឹមតែបន្ថយការប្រឈមនឹងជំងឺបេះដូង ដាច់សរសៃឈាមខួរក្បាល និងទឹកនោមផ្អែមទេ តែក៏ពង្រឹងដល់សុខភាពទូទៅដែរ។ អ្នកជំនាញនិយាយថា ការហាត់ប្រាណយ៉ាងហោចណាស់ ៣០នាទីក្នុងមួយថ្ងៃ ចំនួនប្រាំថ្ងៃក្នុងមួយសប្តាហ៍ គួរតែជារឿងល្អ និងអាចធ្វើបានគ្រប់គ្នា។ សកម្មភាពរាងកាយដូចជា ដើរលឿនៗ និងការហាត់ពង្រឹងភាពរឹងមាំអាចមានប្រយោជន៍ច្រើនចំពោះសុខភាពបេះដូងសរសៃឈាម។
គ្រប់គ្រងកូឡេស្តេរ៉ុល
ការដែលមានកូឡេស្តេរ៉ុលអាក្រក់ច្រើនពេកក្នុងឈាម អាចនាំឲ្យកើតជាកំណកក្នុងសរសៃឈាមវ៉ែន និងអាក់ទែ ដែលបង្កផលវិបាកជាជំងឺបេះដូង និងដាច់សរសៃឈាមខួរក្បាលបាន។ ដូច្នេះ ចូរគ្រប់គ្រងកូឡេស្តេរ៉ុលតាមរយៈការហាត់ប្រាណ និងបន្ថយការញ៉ាំសាច់សត្វដែលមានខ្លាញ់ Saturated Fat ខ្ពស់ដូចជា សាច់ជ្រូក សាច់គោ ជាដើម។
ញ៉ាំអាហារផ្តល់សុខភាព
របបអាហារផ្តល់សុខភាពព និងមានតុល្យភាពអាចជួយឲ្យអ្នកមានកម្លាំងរាល់ថ្ងៃ និងការពាររាងកាយពីជំងឺថែមទៀត។ ចុរបញ្ចូលបន្លែ និងផ្លែឈើឲ្យច្រើនក្នុងរបបអាហារប្រចាំថ្ងៃផង។ ចូរកាត់បន្ថយការញ៉ាំជាតិសូដ្យូម ខ្លាញ់ Saturated Fat និងស្ករ។ ចូរញ៉ាំអាហារណាមានជាតិខ្លាញ់ទាប និងគ្មានខ្លាញ់ គ្រាប់ធញ្ញជាតិ គ្រាប់ផ្លែឈើ សណ្តែក សាច់សុទ្ធ និងត្រីវិញ។
គ្រប់គ្រងសម្ពាធឈាម
ជំងឺលើសសម្ពាធឈាម អាចធ្វើឲ្យប្រឈមកាន់តែខ្លាំងនឹងជំងឺបេះដូង ដាច់សរសៃឈាមខួរក្បាល និងបញ្ហាសុខភាពផ្សេងៗទៀត។ ការគ្រប់គ្រងសម្ពាធឈាមគឺជារឿងសំខាន់ដែលត្រូវធ្វើដើម្បីសុខភាព។ សម្ពាធឈាមគួរតែរក្សាឲ្យនៅ ១២០/៨០។ ដើម្បីគ្រប់គ្រងសម្ពាធឈាម គួរតែញ៉ាំអាហារល្អចំពោះសុខភាពបេះដូង ហាត់ប្រាណ និងរក្សាទម្ងន់ឲ្យមានសុខភាពល្អ។ ចូរបន្ថយស្រ្តេស បន្ថយគ្រឿងស្រវឹង និងចៀសវាងការជក់បារី។
រក្សាទម្ងន់ឲ្យនៅសុខភាពល្អ
បើសិនជាអ្នកធាត់ខ្លាំង ចូរព្យាយាមសម្រកមកកម្រិតមានសុខភាពល្អវិញ។ ការដែលមានខ្លាញ់ច្រើនពេក ជាពិសេសតំបន់ចង្កេះ គឺជាកត្តាប្រឈមនឹងការលើសសម្ពាធឈាម លើសកូឡេស្តេរ៉ុល និងជំងឺទឹកនោមផ្អែម។ (អាន:ថ្នាំងងុយគេង ពេលអ្នកគួរប្រើ)ចូរញ៉ាំអាហារដែលមានជាតិខ្លាញ់ Saturated Fat កូឡេស្តេរ៉ុល ទាបៗ។ ចូរញ៉ាំបន្លែ ផ្លែឈើ អាហារធ្វើពីទឹកដោះគោមានជាតិខ្លាញ់ទាប៕