តម្រងនោមមនុស្សយើងមានសភាពដូចជាគ្រាប់សណ្តែកអ៊ីចឹង ដែលវាមានមុខងារសំខាន់ៗជាច្រើន។ វាទទួលខុសត្រូវលើការច្រោះឈាម បញ្ចេញកាកសំណល់តាមរយៈតម្រងនោម ផលិតអ័រម៉ូន រក្សាតុល្យភាពជាតិរ៉ែ និងទឹក។ មានកត្តាច្រើនណាស់ដែលអាចប្រឈមនឹងជំងឺតម្រងនោម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អ្វីដែលញឹកញាប់បំផុតនោះគឺការលើសសម្ពាធឈាម និងជំងឺទឹកនោមផ្អែមមិនបានគ្រប់គ្រង។ ការញ៉ាំគ្រឿងស្រវឹង ជំងឺបេះដូង ជំងឺរលាកថ្លើមប្រភេទ C និងជំងឺអេដស៍សុទ្ធតែជាមូលហេតុដែរ។
នៅពេលតម្រងនោមទៅជាខូចខាត និងមិនអាចធ្វើការបានល្អទេ ជាតិទឹកអាចច្រាលក្នុងរាងកាយ ហើយកាកសំណល់ក៏អាចកកកុញក្នុងឈាមទៀត។ ប៉ុន្តែការចៀសវាងអាហារមួយចំនួនប្រហែលជាអាចជួយបន្ថយការកកកុញកាកសំណល់ក្នុងឈាម ពង្រឹងដល់មុខងារតម្រងនោម និងបង្ការការខូចខាតបន្ថែមទៀតបាន។
ទឹកសូដាពណ៌ខ្មៅ
ក្រៅពីបន្ថែំការឡូរី និងជាតិផ្អែម ទឹកសូដាក៏អាចផ្តល់ជាសារធាតុញៀនដែលផ្ទុកទៅដោយ Phosphorus ជាពិសេសទឹកដូដាពណ៌ខ្មៅតែម្តង។ ក្រុមហ៊ុនផលិតអាហារ និងភេសជ្ជៈភាគច្រើនគឺបន្ថែមសារធាតុ Phosphorus ក្នុងពេលកៃឆ្នៃដើម្បីជំរុញដល់រសជាតិ រក្សាគុណភាពបានយូរ និងបង្ការការប្រែពណ៌។ រាងកាយនឹងបឺតស្រូបសារធាតុនេះ ប៉ុន្តែវានឹងបង្កើតទៅជាជាតិអំបិល ហើយបឺតស្រូបតាមរយៈពោះវៀន និងបង្កបញ្ហាវិញ។
ផ្លែប័រ
ផ្លែប័រច្រើនតែត្រូវបានគេចាត់ទុកថាជា បណ្តុំជីវជាតិយ៉ាងច្រើនដោយមានដូចជា ខ្លាញ់ផ្តល់សុខភាពដល់បេះដូង ជាតិសរសៃ និងអង់ទីអុកស៊ីដង់។ ខណៈពេលដែលផ្លែប័រច្រើនតែផ្តល់សុខភាព តែអ្នកមានជំងឺតម្រងនោមប្រហែលជាត្រូវការចៀសវាងវា ដោយសារតែវាសម្បូរទៅដោយជាតិប៉ូតាស្យូមពេក។ ផ្លែប័រ ១៥០ក្រាមអាចផ្តល់ជាតិប៉ូតាស្យូមរហូតដល់ ៧២៧មីលីក្រាមឯណោះ។ ដូច្នេះវាគួរតែជារឿងគួរចៀសវាង។
អាហារកំប៉ុង
អាហារដូចជា ស៊ុបបន្លែ និងសណ្តែកច្រើនតែត្រូវបានគេទិញជាញឹកញាប់ដោយសារតែថោក និងស្រួលទុកដាក។ ប៉ុន្តែអាហារកំប៉ុងភាគច្រើនមានជាតិសូដ្យូម ឬប្រៃច្រើនដើម្បីរក្សាបានយូរ។ ដោយសារតែជាតិសូដ្យូមនេះហើយ ទើបអ្នកមានជំងឺតម្រងនោមត្រូវតែចៀសវាង ឬកាត់បន្ថយ។
អង្ករសម្រូប
អង្គរសម្រូបគឺជាគ្រាប់ធញ្ញជាតិដែលមានជាតិសូដ្យូម និង Phosphorus ខ្ពស់ជាងអង្ករសធម្មតា។ អង្ករសម្រូបមួយកំប៉ុងមានជាតិ Phosphorus ១៥០មីលីក្រាម និង ប៉ូតាស្យូម ១៥៤មីលីក្រាម។ ដូច្នេះសារធាតុទាំងពីរនេះសុទ្ធតែជារបស់ដែលមនុស្សមានជំងឺតម្រងនោមត្រូវចៀសវាង។
សាច់កៃឆ្នៃ
សាច់កៃឆ្នៃត្រូវបានគេភ្ជាប់ទំនាក់ទំនងយូរមកហើយជាមួយនឹងជំងឺរ៉ាំរ៉ៃ និងជាទូទៅត្រូវបានគេចាត់ទុកថាមិនផ្តល់សុខភាពទេដោយសារតែសារធាតុរក្សាគុណភាពរបស់វាតែម្តង។ សាច់កៃឆ្នៃក៏ច្រើនតែមានជាតិប្រៃច្រើ និងមានសារធាតុជំរុញដល់រសជាតិ។ (អាន:ថ្នាំងងុយគេង ពេលអ្នកគួរប្រើ)
ប៉េងប៉ោះ
ប៉េងប៉ោះគឺជាផ្លែឈើសម្បូរជាតិប៉ូតាស្យូមមួយផ្សេងទៀតដែលមិនសមសម្រាប់មនុស្សមានជំងឺតម្រងនោមឡើយ។ ដូច្នេះយកល្អគួរតែជ្រើសរើសអាហារផ្សេងពីនេះវិញបើសិនជាអ្នកដឹងថាប៉េងប៉ោះមិនស័ក្តិសមសម្រាប់អ្នកហើយ៕