សម្រាប់មនុស្សដែលចូលចិត្តសត្វចិញ្ចឹម ពិតជាយល់ហើយអារម្មណ៍ដែលវាអាចធ្វើឲ្យយើងញញឹមពេញមួយថ្ងៃ។ វាក៏ជាប្រភពនៃសេចក្តីស្រឡាញ់ដោយគ្មានលក្ខខណ្ឌផងដែរ។ សត្វចិញ្ចឹមគឺជាផ្នែកមួយនៃគ្រួសារ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះមានន័យថា យើងក៏អាចប្រារព្ធពិធីជប់លៀង ឬខួរកំណត់សម្រាប់សត្វទាំងនេះដែរ។ ប៉ុន្តែវាគឺជារឿងធម្មតាទេដែល ម្ចាស់សត្វចិញ្ចឹមគ្រប់រូបតែងបារម្ភអំពីសត្វរបស់ខ្លួន ជាពិសេសខ្លាចវាឆ្លងជំងឺកូវីដដូចមនុស្សដែរ។
សេចក្តីរាយការណ៍បានបង្ហាញនូវរឿងដែលយល់ច្រឡំ
សម្រាប់បច្ចុប្បន្ននេះ យើងប្រហែលជាធ្លាប់លឺហើយអំពីសត្វឆ្កែពីរក្បាលក្នុងទីក្រុងហុងកុងថា ធ្វើតេស្តទៅឃើញមានវិជ្ជមាននៃវីរុសកូរ៉ូណា ដោយមួយក្បាលជាប្រភេទ ឆ្កែ Pomeranian អាយុ ១៧ឆ្នាំ ឃើញថាមានវិជ្ជមានខ្សោយ និងមួយទៀតនៅប្រទេសអាឡឺម៉ង់។ ឆ្កែប្រភេទ Pomeranian បានស្លាប់រយៈពេលពីរថ្ងៃក្រោយពេលដោះឡែងពីការទុកឲ្យនៅដាច់ដោយឡែកពីគេ។ សម្រាប់ឆ្កែនៅប្រទេសអាឡឺម៉ង់វិញ មិនមានបញ្ហាអាការៈអ្វីទាំងអស់ចាប់តាំងពីកំណត់រោគវិនិច្ឆ័យឃើញមក។ ទោះបីជាមានសេចក្តីរាយការថា មានសត្វឆ្មាក្នុងផ្ទះ និងសត្វខ្លាក្នុងសួនសត្វ Bronx Zoo កំពុងតែឆ្លងជំងឺកូវីដ១៩មក អ្នកវិទ្យាសាស្រ្តបានណែនាំដល់អ្នកចិញ្ចឹមសត្វឆ្មានោះកុំឲ្យភ័យខ្លាច។ ខណៈពេលដែលការស្រាវជ្រាវបានបង្ហាញថា វីរុសអាចរាលដាលពីឆ្មាមួយទៅឆ្មាមួយទៀត តែវាមិនមានអំណះអំណាងណាមួយគាំទ្រថាវីរុសអាចរាលដាលលើសត្វឆ្មាក្នុងផ្ទះ ឬវីរុសអាចចម្លងពីឆ្មាទៅមនុស្សទេ។
ប៉ុន្តែអ្វីដែលជាសំណួរមួយលានដុល្លានោះគឺថា តើមនុស្សអាចចម្លងជំងឺកូវីដ១៩ទៅសត្វចិញ្ចឹមដែរទេ? ខណៈពេលដែលមានសេចក្តីរាយការណ៍អំពីការចម្លងជំងឺកូវីដ១៩ទៅសត្វចិញ្ចឹមរបស់ពួកគេ តែវាមិនមានសេចក្តីរាយការណ៍មួយដែលថា សត្វចិញ្ចឹមទាំងនេះមានអាការៈជំងឺកូវីដ១៩ឡើយ។ (អាន:ថ្នាំងងុយគេង ពេលអ្នកគួរប្រើ)អ្នកជំនាញខាងជំងឺឆ្លង និងអង្គការសុខភាពសត្វភាគច្រើនយល់ស្របថា វាមិនមានអំណះអំណាងណាមួយដែលថា សត្វកំពុងតែមានជំងឺកូវីដ១៩ឡើយ ឬរាលដាលជំងឺនេះទៅសត្វដដៃ ឬមនុស្សឡើយ។ ភាគច្រើននៃវីរុសកូរ៉ូណាដែលកើតឡើងលើសត្វគឺមានលក្ខណៈខុសគ្នាពីវីរុសដែលមនុស្សឆ្លង និងមិនមានលក្ខណៈឆ្លងគ្នាឡើយ៕