Join with Health.com.kh on Telegram

បើសិនជាអ្នកចង់បង្កើនមុខងារប្រព័ន្ធភាពស៊ាំ អ្នកប្រហែលជាឆ្ងល់ថាគួរធ្វើដូចម្តេចទើបជួយរាងកាយក្នុងការយកឈ្នះជំងឺក្នុងខ្លួនបានហើយ។ ខណៈពេលដែលការបង្កើនមុខងារប្រព័ន្ធភាពស៊ាំឲ្យខ្លាំងស្តាប់ទៅងាយស្រួលមែន តែពិបាកធ្វើណាស់ ព្រោះវាត្រូវការផ្លាស់ប្តូររបបអាហារនិងរបៀបរស់នៅជាច្រើនដើម្បីយកអាហារដែលជំនួយដល់ប្រព័ន្ធភាពស៊ាំឡើងវិញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

គេងឲ្យបានគ្រប់គ្រាន់

តាមពិតទៅ ការគេងមិនគ្រប់គ្រាន់មានទំនាក់ទំនងនឹងការងាយនឹងកើតជំងឺក្នុងខ្លួន។ សម្រាប់អ្នកគេងតិចជាង ៦ម៉ោងក្នុងមួយយប់ទំនងជាងាយនឹងកើតជំងឺផ្តាសាយជាងអ្នកដែលគេងច្រើនជាងនេះ។ ការគេងបានគ្រប់គ្រាន់អាចពង្រឹងដល់ប្រព័ន្ធភាពស៊ាំធម្មជាតិបាន។ ជាមួយគ្នានេះដែរ អ្នកក៏គួរតែគេងឲ្យបានច្រើននៅពេលមានជំងឺដើម្បីអនុញ្ញាតិឲ្យប្រព័ន្ធភាពស៊ាំប្រឆាំងនឹងជំងឺក្នុងខ្លួនកាន់តែមានប្រសិទ្ធភាព។ 

ញ៉ាំអាហាររុក្ខជាតិឲ្យបានច្រើនអាហារប្រភេទរុក្ខជាតិដូចជា ផ្លែឈើ បន្លែ គ្រាប់ធញ្ញជាតិ សម្បូរទៅដោយជីវជាតិ និងអង់ទីអុកស៊ីដង់ដែលអាចជួយអ្នកប្រឆាំងនឹងជំងឺគ្រោះថ្នាក់បាន។ អង់ទីអុកស៊ីដង់នឹងបន្ថយការរលាក តាមរយៈការទបប់ស្កាត់សារធាតុរ៉ាឌីកាលសេរីក្នុងខ្លួនដែលធ្វើឲ្យការរលាកកើនឡើង។ ជាតិសរសៃក្នុងអាហាររុក្ខជាតិនឹងជួួយចិញ្ចឹមបាក់តេរីល្អៗក្នុងពោះវៀន ហើយក៏ផ្តល់ប្រសិទ្ធភាពដល់ប្រព័ន្ធភាពស៊ាំកាន់តែខ្លាំងដែរ។ 

ញ៉ាំខ្លាញ់ផ្តល់សុខភាពល្អឲ្យច្រើន

ខ្លាញ់ផ្តល់សុខភាពដែលមានក្នុង ប្រេងអូលីវ និងត្រីសាលម៉ុង ប្រហែលជាជួយបង្កើនការឆ្លើយតបរបស់ប្រព័ន្ធភាពស៊ាំដើម្បីទប់ស្កាត់ និងបន្ថយការរលាករបស់មេរោគ។ ប្រេងអូលីវអាចបន្ថយការប្រឈមនឹងជំងឺរ៉ាំរ៉ៃដូចជា ទឹកនោមផ្អែម និងជំងឺបេះដូង។ អាស៊ីតខ្លាញ់អូមេហ្គាបីដែលមានក្នុងត្រីសាលម៉ុង ក៏ទប់ស្កាត់ការរលាកផងដែរ។

ញ៉ាំប្រូបាយអូទិចឲ្យបានច្រើន

អាហារប្រភេទនេះពេញនិយមណាស់សម្រាប់ជំនួយដល់សុខភាពនៃការរំលាយអាហារ។ អាហារសម្បូរប្រូបាយអូទិចមានដូចជា យ៉ាអួ គីមឈី ជាដើម។ ការស្រាវជ្រាវបានឲ្យដឹងថា ការងាររបស់បាក់តេរីក្នុងពោះវៀនអាចជួយដល់កោសិកាប្រព័ន្ធភាពស៊ាំស្វែងយល់បាននូវអ្វីដែលហៅថា កោសិកាធម្មតា ផ្តល់សុខភាព និងសារធាតុបង្កគ្រោះថ្នាក់។ 

កាត់បន្ថយការញ៉ាំផ្អែម

ការស្រាវជ្រាបានឲ្យដឹងថា ការបន្ថែមជាតិផ្អែម និងកាបូអ៊ីដ្រាតកៃឆ្នៃប្រហែលជានាំឲ្យធាត់ និងធាត់ជ្រុល។ ការធាត់ជ្រុលប្រហែលជាធ្វើឲ្យប្រឈមកាន់តែខ្លាំងនឹងការកើតជំងឺដែរ។ អ្នកដែលធាត់ជ្រុលហើយចាក់វ៉ាក់សាំងការពារជំងឺផ្តាសាយហើយ ក៏ទំនងជាងាយនឹងកើតជំងឺផ្តាសាយជាងអ្នកមិនធាត់ ហើយចាក់វ៉ាក់សាំងរហូតដល់ពីរដងឯណោះ។ 

ហាត់ប្រាណកម្រិតមធ្យម

ថ្វីបើការហាត់ប្រាណខ្លាំងក្លាជាប់រហូតអាចធ្វើឲ្យប្រព័ន្ធភាពស៊ាំចុះខ្សោយមែន តែការហាត់កម្រិតមធ្យមអាចនឹងជួយដល់ប្រព័ន្ធភាពស៊ាំធ្វើការកាន់តែខ្លាំងបាន។ (អាន:ថ្នាំងងុយគេង ពេលអ្នកគួរប្រើ)ការសិក្សាបញ្ជាក់ថា ទោះបីជាការហាត់ប្រាណកម្រិតមធ្យមតែម្តងក៏អាចបង្កើនប្រសិទ្ធភាពនៃវ៉ាក់សាំងលើមនុស្សដែលមានប្រព័ន្ធភាពស៊ាំចុះខ្សោយដែរ៕