ក្នុងពេលនេះ វាគឺជារឿងសំខាន់មួយដែលអ្នកមានជំងឺក្នុងខ្លួនគួរតែថែរក្សាសុខភាពរបស់ខ្លួនបន្ថែមផង។ មន្ទីរពេទ្យជាច្រើនក៏កំពុងតែផ្ទុកទៅដោយអ្នកមានជំងឺកូវីដ១៩យ៉ាងច្រើនដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះភាគច្រើនមន្ទីរពេទ្យទាំងនោះបានបិទផ្នែកពិគ្រោះជំងឺក្រៅដើម្បីប្រាកដថា អ្នកផ្សេងទៀតមិនបានឆ្លងវីរុសនេះបន្ថែមទៀតដែរ។ 

អ្នកដែលមានជំងឺក្នុងខ្លួនស្រាប់ដូចជា លើសសម្ពាធឈាម គឺប្រឈមខ្ពស់នឹងជំងឺកូវីដ១៩នេះណាស់។ ពួកគេងាយនឹងមានអាការៈធ្ងន់ធ្ងរដែលអាចគម្រាមគំហែងដល់អាយុជីវិតបាន ហើយក៏ត្រូវការថែទាំសុខភាពឲ្យបានល្អជាងមុនក្នុងពេលនៅផ្ទះផងដែរ។ ខាងក្រោមនេះគឺជារបៀបដែលអ្នកអាចគ្រប់គ្រងសម្ពាធឈាមខណៈពេលកំពុងនៅក្នុងផ្ទះមិនអាចទៅតាមដានសុខភាពនៅមន្ទីរពេទ្យបាន

តាមដានសម្ពាធឈាមខ្លួនឯង

ការកត់ត្រាសម្ពាធឈាមប្រចាំថ្ងៃអាចជួយតាមដានការឡើងចុះៗរបស់សម្ពាធឈាមបាន។ វាអាចជួយបង្កើតរបៀបរស់នៅដែលល្អបំផុតសម្រាប់សុខភាពអ្នកបាន។ អ្នកអាចដឹងនូវទម្លាប់អ្វីដែលធ្វើឲ្យសម្ពាធឈាមចុះមកធម្មតាវិញដែរ។ 

យកចិត្តទុកដាក់លើរបបអាហារ

ខណៈពេលនៅផ្ទះ យើងក៏ងាយនឹងញ៉ាំអាហារសម្រន់ច្រើនៗដែរ។ អាហារដែលយើងញ៉ាំនោះច្រើនតែជាអាហារកៃឆ្នៃដែលអាចនាំឲ្យមានផលអាក្រក់ដល់សម្ពាធឈាម ឬធ្វើឲ្យលើសសម្ពាធឈាមបាន។ របបអាហារអ្នកគួរតែមានផ្លែឈើ បន្លែនិងគ្រាប់ធញ្ញជាតិច្រើនៗ។ ចូរប្រាកដថា របបអាហារអ្នកមានជាតិប្រៃ ផ្អែម និងខ្លាញ់ Saturated ទាប់។ យកល្អគួរតែចៀសវាងគ្រឿងស្រវឹង និងជក់បារីថែមទៀត។ 

រក្សាទម្ងន់ឲ្យមានសុខភាពល្អ

វាពិតជារឿងសំខាន់ណាស់ដែលអ្នកត្រូវថែរក្សាទម្ងន់ឲ្យមានសុខភាពល្អក្នុងពេលសម្ងំក្នុងផ្ទះដើម្បីបង្ការការឆ្លងជំងឺកូវីដ១៩។ ចូរព្យាយាម និងហាត់ប្រាណជាទៀងទាត់នៅផ្ទះដោយខ្លួនឯង។ អ្នកក៏អាចធ្វើទៅតាមការហាត់ប្រាណធម្មតាៗក្នុងអ៊ីនធើណេតដែរ។ យកល្អគួរតែជ្រើសរើសការហ្វឹកហាត់ដើម្បីបំប៉នភាពខ្លាំងរបស់រាងកាយឲ្យក្លាយជាទម្លាប់ប្រចាំថ្ងៃ។ (អាន:ថ្នាំងងុយគេង ពេលអ្នកគួរប្រើ)ការហាត់ប្រាណគួរធ្វើរយៈពេល ២ ទៅ ២ម៉ោងកន្លះក្នុងមួយសប្តាហ៍ដើម្បីរក្សាសម្ពាធឈាមឲ្យនៅល្អ៕