ការរមាស់ ឬក្រហាយក្នុងទ្វារមាសមានន័យថា អ្នកប្រហែលជាមានបញ្ហាការបង្ករោគដោយសារមេរោគផ្សិតហើយ ដែលរឿងនេះកើតឡើងយ៉ាងញឹកញាប់លើមនុស្សស្រី។ តាមទិន្នន័យបានឲ្យដឹងថា ស្រ្តីបីនាក់ក្នុងចំណោមបួននាក់ជួបញ្ហានេះយ៉ាងហោចណាស់ម្តងក្នុងមួយជីវិត។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការឈឺចាប់ ការឈឺឈៀបៗ និងរមាស់ដែលទាក់ទងនឹងការបង្ករោគមួយនេះ អាចគ្រប់គ្រាន់នឹងធ្វើឲ្យគ្មានផាសុកភាព និងពិបាកដោះស្រាយបាន។ ការរមាស់នៅទ្វារមាសអាចបងណ្តាលមកពីមូលហេតុច្រើនដូចជា ការស្ងួតរបស់ទ្វារមាស ឬការប្រើប្រាស់សារធាតុគីមីជាច្រើន។
ខាងក្រោមនេះគឺជារឿងចម្លែងៗមួយចំនួនតែអាចព្យាបាលការរមាស់នៅទ្វាមាសដោយខ្លួនឯងបាន តែមិនគួរណាសាកល្បងប្រើប្រាស់អី៖
ខ្ទឹមស
វាត្រូវបានគែជឿយ៉ាងទូលំទូលាយថា ការដាក់ខ្ទឹមសឆៅទៅក្នុងទ្វារមាសអាចជួយរក្សាតុល្យភាពបាក់តេរីក្នុងទ្វារមាស និងទប់ស្កាត់ការលូតលាស់របស់មេរោគផ្សិតបាន។ ប៉ុន្តែវាគ្រាន់តែជារឿងដែលគ្រោះថ្នាក់ខ្លាំងមួយប៉ុណ្ណោះ ហើយអ្នកក៏មិនគួរណាសាកល្បងអនុវត្តវិធីមួយនេះដែរ។ ខ្ទឹមសមានសមត្ថភាពប្រឆាំងនឹងមេរោគផ្សិតមែន តែវាមិនមែនមានប្រសិទ្ធភាពតាមរយៈការដាក់ក្នុងទ្វារមាសឡើយ។
យ៉ាងអួរ
អ្នកប្រហែលជាបានអានអត្ថបទជាច្រើនអំពីការប្រើយ៉ាអួររសជាតិដើមដាក់លើទ្វារមាសដើម្បីទទួលបានប្រយោជន៍របស់វាហើយ ប៉ុន្តែកុំទាន់ជឿរឿងនេះអី។ យ៉ាអួររសជាតិដើមផ្ទុកទៅដោយបាក់តេរី Lactobacilli ដែលមានជាបាក់តេរីល្អសម្រាប់សុខភាពទ្វារមាសដ៏ពេញនិយម ប៉ុន្តែវាមិនដូចគ្នាទាំងអស់ឡើយ។ ការសិក្សាជាច្រើនបានអះអាងថា ការព្យាបាលបែបនេះមិនមានប្រសិទ្ធភាពអ្វីទាំងអស់។
អ្វីដែលអ្នកអាចធ្វើជំនួសវិញ
ជាធម្មតា ការឈឺចាប់ និងការរមាស់នឹងបាត់ទៅវិញដោយខ្លួនឯងក្នុងរយៈពេល ៣ទៅ៤ថ្ងៃ។ ករណីដែលវាមិនបាត់ទេ ចូរពិគ្រោះជាមួយអ្នកជំនាញខាងរោគស្រ្តី។ ខាងក្រោមនេះគឺជារឿងដែលអ្នកអាចធ្វើបានដើម្បីបំបាត់ការរមាស់៖
- ប្រើឡាមកោដែលថ្មី
- ចូរស្លៀកខោទ្រនាប់ធ្វើពីក្រណាត់ដែលធូរ ឬមានខ្យល់ចេញចូលគ្រប់គ្រាន់
- មិនត្រូវប្រើប្រាស់សាប៊ូដែលមានជាតិកាត់ខ្លាំងលាងសម្អាតទ្វារមាសឡើយ(អាន:ថ្នាំងងុយគេង ពេលអ្នកគួរប្រើ)
- ចូរញ៉ាំទឹកឲ្យបានច្រើន៕