អ័យស្ទើរគឺជាប្រភេទសត្វមានសំបករស់នៅក្នុងទឹកសមុទ្រមួយប្រភេទ មានរសជាតិឆ្ងាញ់ ហើយក៏មានប្រយោជន៍ចំពោះសុខភាពមិនធម្មតាដែរ។ ថ្វីបើគេដឹងច្រើនថា វាមានសមត្ថភាពបង្កើនចំណង់ផ្លូវភេទក៏ដោយ តែវាមានប្រយោជន៍ធំៗពីរយ៉ាងទៀតដែលមនុស្សយើងមិនសូវមានអ្នកចាប់អារម្មណ៍ និងដឹងនោះទេ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ប្រភពប្រូតេអ៊ីនដ៏មានគុណភាពខ្ពស់
អ័យស្ទើគឺជាប្រភពដ៏ឆ្លាតវ៉ៃមួយនៃជាតិប្រូតេអ៊ីនដ៏មានគុណភាព ដោយអ័យស្ទើ ១០០ក្រាមមានប្រូតេអ៊ីននេះ ៧ក្រាមទៅហើយ។ ប្រូតេអ៊ីនពេញលេញរបស់វាមានន័យថា គឺមានផ្ទុកទៅដោយអាស៊ីតអាមីណេទាំង ៩សំខាន់ៗដែលរាងកាយត្រូវការតែម្តង។ ក្រៅពីនេះ វានឹងជួយឲ្យមានអារម្មណ៍ឆ្អែតបានយូរ និងជំរុញដល់ការសម្រកទម្ងន់។
ការញ៉ាំអាហារសម្បូរជាតិប្រូតេអ៊ីនក៏ប្រហែលជាមានប្រយោជន៍ក្នុងការគ្រប់គ្រងជាតិស្ករក្នុងឈាមដែរ ជាពិសេសអ្នកមានជំងឺទឹកនោមផ្អែមតែម្តង ដោយអាចបន្ថយចំនួន Hemoglobin A1c បាន។
ផ្ទុកទៅដោយអង់ទីអុកស៊ីដង់ពិសេសមួយ
ក្រៅពីផ្ទុកទៅដោយជីវជាតិមានប្រយោជន៍ដូចជា វីតាមីនជាច្រើនហើយ អ័យស្ទើក៏ផ្ទុកទៅដោយអង់ទីអុកស៊ីដង់ពិសេសមួយហៅថា 3.5-Dihydroxy-4-methoxybenzyl Alcohol (DHMBA) ដែលជាសមាសធាតុ Phenolic ដើរតួនាទីជាអង់ទីអុកស៊ីដង់ដ៏ខ្លាំងក្លា។ តាមពិតទៅ វាមានថាមពលខ្លាំងជាង វិតាមីន E ក្នុងការបង្ការការខូចខាតដោយសារតែសម្ពាធអុកស៊ីតកម្មរហូតដល់ ១៥ដងឯណោះ។
DHMBA ត្រូវបានគេរកឃើញថា អាចការពារកោសិកាថ្លើមពីការខូចខត និងការស្លាប់របស់កោសិកាបានទៀត។ ក្រៅពីនេះវានឹងទៅបន្ថយការធ្វើអុកស៊ីតកម្មរបស់កូឡេស្តេរ៉ុលអាក្រក់កុំឲ្យកើតជាជំងឺក្រិនរឹងសរសៃឈាមបាន។ ដូច្នេះវានឹងបង្ការជំងឺបេះដូងបានថែមទៀត។ (អាន:ថ្នាំងងុយគេង ពេលអ្នកគួរប្រើ)
ថ្វីបើលទ្ធផលទាំងនេះកំពុងតែស្ថិតក្នុងការសន្យាក៏ដោយ តែវាត្រូវការការស្រាវជ្រាវបន្ថែមទៀតដើម្បីកំណត់ថាតើ DHMBA នឹងមានប្រសិទ្ធផាពក្នុងការទប់ស្កាត់ការធ្វើអុកស៊ីតកម្មក្នុងរាងកាយមនុស្សឬអត់៕