បើសិនជាអ្នកមិនកំពុងតែរស់នៅក្នុងពិភពវឹកវរកាលពីពីរបីសប្តាហ៍មុនទេ អ្នកទំនងជាល្បីខ្លាំងំពីសេចក្តីរាយការណ៍ពីវីរុសថ្មីដែលអាចបង្កជំងឺដល់ស្លាប់បាន ហើយក៏កំពុងតែភ្ញាក់ផ្អើលពេញពិភពលោកដែរ។ ដូច្នេះតើនេះអាចចាត់ទុកថាជាការភ័យខ្លាចសម្រាប់ពិភពលោកទាំងមូលដែរទេ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តើអ្វីទៅជាវីរុសកូរ៉ូណាទៅ ហើយតើអ្នកអាចការពារគ្រួសារអ្នកពីការគម្រាមគំហែងដែលមើលមិនឃើញនេះបានដោយរបៀបណា? យ៉ាងណាមិញ ខាងក្រោមនេះ ខ្ញុំសូមណែនាំនូវវិធីការពារខ្លួន និងក្រុមគ្រួសាររបស់អ្នកពីវីរុសបង្ករលាកសួតថ្មីដល់ស្លាប់ដូចខាងក្រោមនេះ៖
អនុវត្តវិធីសាស្រ្តលាងសម្អាតដៃដែលត្រឹមត្រូវ
មធ្យោបាយដ៏ល្អបំផុតក្នុងការការពារអ្នក និងក្រុមគ្រួសារអ្នកពីជំងឺច្រើនប្រភេទគឺការលាងសម្អាតដៃឲ្យបានត្រឹមត្រូវ និងញឹកញាប់។ ចូរលាងសម្អាតដៃជាមួយសាប៊ូ និងទឹកមុនញ៉ាំអាហារ ក្រោយចេញពីបន្ទាប់ទឹក ក្រោយហីសម្បោ ក្អក ឬកណ្តាស និងមុនពេលព្រមទាំងក្រោយពេលថែទាំក្រុមគ្រួសារដែលមានជំងឺ។ ចូរធ្វើការដុសសម្អាតដៃឲ្យបានយ៉ាងហោចណាស់ ២០វិនាទី និងសម្ងួតវាជាមួយកន្សែងស្អាត។
ចូរចៀសវាងការប៉ះពាល់ជាមួយអ្នកជំងឺ
ជាធម្មតា កាលណាអ្នកនៅកាន់តែជិតអ្នកមានជំងឺ អ្នកនឹងកាន់តែងាយឆ្លងជំងឺនេះដូចគ្នា។ ដូច្នេះចូរចៀសវាងការចំណាយពេលវេលានៅជាមួយអ្នកមានរោគសញ្ញាជំងឺផ្តាសាយ។
ចូរចៀសវាងការញ៉ាំអាហារឆៅ
ជាមួយគ្នានឹងការចៀសឆ្ងាយពីហាងលក់សាច់សត្វគ្រប់ប្រភេទ និងចៀសវាងករប៉ះពាល់នឹងសត្វមានជីវិត (ជាពិសេសបើសិនជាអ្នកស្ថិតក្នុងតំបន់ឆ្លងជំងឺនៃប្រទេសចិន) ចូរប្រាកដថា អ្នកអនុវត្តក្បួនណែនាំចម្អិនអាហារដែលមានសុវត្ថិភាពនៅផ្ទះផង។
មិនត្រូវប៉ះពាល់លើមុខរបស់អ្នកទេ
ចូរចៀសវាងការប៉ះពាល់គ្រប់កន្លែងនៃមុខរួមទាំង ច្រមុះ ភ្នែក និងមាត់ ព្រោះបាក់តេរី ឬវីរុសគ្រប់ប្រភេទអាចរស់នៅលើប្រអប់ដៃ និងចូលទៅក្នុងរាងកាយតាមទីតាំងដែលអាចចូលបាន។ (អាន:ថ្នាំងងុយគេង ពេលអ្នកគួរប្រើ)
ចូរកណ្តាសនៅក្នុងកែងដៃ
ថ្វីបើរឿងនេះទំនងជារឿងមានគួរសម និងការពារសម្រាប់មនុស្សផ្សេងជាងខ្លួនឯងក៏ដោយ តែបើសិនជាអ្នកមានជំងឺផ្តាសាយ ការកណ្តាស ឬក្អកដាក់កែងដៃគឺអាចជួយចៀសផុតពីការរាលដាលបាក់តេរីទៅកាន់អ្វីៗជុំវិញខ្លួនបាន៕