ចំនួនអ្នកស្លាប់ដោយសារតែវីរុសបង្កជំងឺរលាកសួតថ្មី កូរ៉ូណា (2019-nCoV) នោះបានកើនឡើងរហូតដល់ ៤២០នាក់ហើយ ខណៈពេលដែលសេចក្តីរាយការណ៍ពីទីក្រុងហុងកុងបានថា មានមួយករណីបានស្លាប់ជាលើកដំបូងដែរ។ អ្នករស់នៅទីក្រុងហុងកុង ដែលាបនស្លាប់នោះត្រូវបានគេស្គាល់អត្តសញ្ញាណថា ជាបុរសអាយុ ៣៩ឆ្នាំ ដែលធញលាប់មានបញ្ហាសុខភាពមួយក្នុងខ្លួនដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នេះគឺជាការស្លាប់ទីពីរហើយដែលកើតឡើងនៅទឹកដីខាងក្រៅចិនដីគោក។ យ៉ាងណាមិញ មានជនជាតិចិនម្នាក់ទៀតបានស្លាប់ក្នុងប្រទេសហ្វីលីពីនផងដែរកាលពីពីរបីថ្ងៃមុន។ ចំណែកឯសេចក្តីរាយការណ៍កាលពីថ្ងៃអង្គារនេះបានឲ្យដឹងថា នៅប្រទេសចិនមានចំនួនអញនកស្លាប់រហូតដល់ ៦៤នាក់ហើយ។
អ្វីដែលគួរឲ្យចាប់អារម្មណ៍នោះគឺថា ខណៈពេលដែលវីរុសបង្កជំងឺរលាកសួតថ្មីមិនបានសម្លាប់មនុស្សច្រើនដូចអត្រាអ្នកស្លាប់ដោយសារតែវីរុសត្រកូលគ្នានេះឈ្មោះថា SARS (Severe Acute Respiratory Syndrome) ដែលបានផ្ទុះកាលពីឆ្នាំ ២០០២ ដល់២០០៣។ ណាមួយ វីរុសនេះក៏បានរាលដាលទៅប្រទេសចំនួន ២៤ប្រទេសឯណោះ។
តើវីរុសបង្កជំងឺរលាកសួតថ្មីនេះរាលដាលយ៉ាងដូចម្តេចទៅ?
វីរុស Coronavirus គឺជាប្រភេទវីរុសដែលស្ថិតក្នុងត្រកូលវីរុសត្រូវបានរកឃើញក្នុងសត្វចិញ្ចឹមកូនដោយទឹកដោះដូចជា គោ អូដ្ឋ ឆ្មា និងប្រចៀវ។ ក្នុងករណីខ្លះប្រភេទវីរុស កូរ៉ូណាវីរុស និងវីរុសបង្កជំងឺសា SARS និងជំងឺរលាកផ្លូវដង្ហើមមជ្ឈឹមបូពា នោះគឺជាវូរសដែលចម្លងពីសត្វទៅមនុស្ស។ យ៉ាងណាមិញ យន្តការណ៍ជាក់លាក់របស់ជំងឺនេះកើតឡើងដោយរបៀបម៉េចនោះគឺមិនទាន់យល់ដឹងពេញលេញនៅឡើយទេ។ តាមពិតទៅ វានៅតែមិនច្បាស់នៅឡើយថាតើសត្វណាមួយដែលធ្វើឲ្យវីរុសថ្មីនេះចម្លងទៅមនុស្សយើងដំបូងគេ។ ជាទូទៅវាត្រូវបានគេជឿថា ករណីដំបូងត្រូវបានគេរកឃើញក្នុងទីក្រុងវ៉ូហានប្រទេសចិនកាលពីពាក់កណ្តាលខែធ្នូ ឆ្នាំ២០១៩។
ប៉ុន្តែនៅពេលវីរុសរាលដាលទៅមនុស្ស រហូតដល់ពីឆ្លងពីមនុស្សម្នាក់ទៅមនុស្សម្នាក់ទៀតនោះកាន់តែមានការពិបាកគ្រប់គ្រងបន្តិចហើយ។ ការចម្លងពីមនុស្សម្នាក់ទៅមនុស្សម្នាក់ទៀតត្រូវបានគេជឿថា កើតឡើងដោយសារតែដំណក់ទឹកដង្ហើមដែលកើតចេញពីអ្នកផ្ទុកជំងឺកណ្តាល ឬក្អក ដែលវាដូចគ្នានឹងរបៀបដែលមេរោគជំងឺផ្តាសាយចម្លងដែរ។
នៅពេលដំណក់ទឹកដង្ហើមចូលទៅក្នុងមាត់ឬ ច្រមុះមនុស្សម្នាក់ទៀត នោះគាត់ប្រហែលជាឆ្លងជំងឺនេះបាន។ វានៅតែមិនទាន់ច្បាស់ថាបើសិនជាការប៉ះពាល់អ្វីដែលអ្នកផ្ទុកជំងឺបានប៉ះហើយ តើវាអាចជាប្រភពនៃការបង្ករោគឬអត់។ យោងទៅតាមក្បួតណែនាំរបស់មន្ទីរពេទ្យជាច្រើនបានឲ្យដឹងថា ការប៉ះពាល់នេះត្រូវបានគេឲ្យនិយមន័យថា ជាការនៅឆ្ងាយពីអ្នកផ្ទុកជំងឺ ៦ហ្វីត ជាពិសេសអ្នកជំងឺដែលបានក្អក ឬកណ្តាស យ៉ាងហោចណាស់ ១០នាទី។ អំណះអំណាងខ្លះទៀតនិយាយថា វីរុសបង្កជំងឺរលាកសួតថ្មីនេះប្រហែលជាអាចឆ្លងបានមុនពេលចេញរោគសញ្ញាទៅទៀត ដែលវាជារឿងមួយមិនត្រូវបានគេយល់ដឹងច្រើនឡើយ។
តើវាអាចរាលដាលពីសត្វទៅមនុស្សដែរទេ?
ប្រទេសចិនត្រូវបានគេដាក់បម្រាមលើការជួញដូរសត្វព្រៃដើម្បីគ្រប់គ្រងការរាលដាលរបស់វីរុសកូរ៉ូណា។ រឿងនេះអាចបញ្ជាក់ថា លទ្ធភាពនៃការឆ្លងរបស់ជំងឺនេះពីសត្វនោះគឺនៅតែជាការព្រួយបារម្ភដដែល។ យ៉ាងណាមិញ ចាប់តាំងពីវីរុសនេះបានបំបែកខ្លួន ឬហៅថា Mutated ទៅជាមនុស្សទៅមនុស្សនោះ វាពិតជាការគម្រាមគំហែងដ៏សំខាន់មួយ។ លទ្ធភាពដែលវីរុសរាលដាលពីសត្វទៅមនុស្សនោះគឺគឺជាក្តីបារម្ភកាន់តែធំមួយដែលការបង្ករោគនោះមានប្រភពដើមចុងក្រោយគឺកាលពីឆ្នាំមុនតែម្តង។ ក្នុងករណីដែលអ្នកកំពុងតែរស់នៅក្នុងតំបន់ប្រឈម ការប៉ះពាល់ដោយផ្ទាល់ ឬមិនបានការពារ ជាមួយនឹងសត្វមានជីវិត ឬរបស់ដែលសត្វប៉ះពាល់គួរតែជារៀងដែលត្រូវចៀសវាង។(អាន:ថ្នាំងងុយគេង ពេលអ្នកគួរប្រើ) ជាមួយគ្នានេះដែរ ការញ៉ាំសាច់ឆៅ ដែលបានមកពីតំបន់ប៉ះពាល់ត្រូវតែជារឿងចៀសវាងដែរ៕