តើការចាញ់កូនអាចនឹងចំណាយពេលយូរប៉ុណ្ណាទៅទើបចប់?

ការចាញ់កូនជាធម្មតាមានរយៈពេលយូរបំផុតពីសប្តាហ៍ទី ៦ដល់ ទី១២ ដែលអាការៈនៃការចាញ់កូនខ្ពស់បំផុតនោះនៅចន្លោះសប្តាហ៍ទី ៨ និងទី ១០។ យោងទោតាមការសិក្សាក្នុងឆ្នាំ ២០០០បានឲ្យដឹងថា ៥០ភាគរយនៃស្រ្តីចាញ់កូននឹងឈប់ចាញ់វិញនៅសប្តាហ៍ទី ១៤នៃការមានផ្ទៃពោះ ជាពិសេសពេលឈានចូលត្រីមាសទីពីរតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមការសិក្សាក្នុងឆ្នាំ ២០១៦ បានឲ្យដឹងថា ស្រ្តីដែលមានផ្ទៃពោះ ហើយក្អួតចង្អោក្នុងសប្តាហ៍ទី ៨ អាចបន្ថយឱកាសនៃការរលូតកូនរហូតដល់ ៥០ភាគរយ។ 

បើសិនជាអ្នកនៅតែចាញ់កូនយូរជាងពេលវេលាខាងលើ ឬមានការក្អយតធ្ងន់ធ្ងរ ចូរទាក់ទងទៅគ្រូពេទ្យភ្លាម។ ការចាញ់កូនខ្លាំង ឬក្អួតខ្លាំងក្នុងពេលមានផ្ទៃពោះ ដែលគេហៅថា Hyperemesis Gravidarum កើតឡើងប្រហែល ០.៥ ទៅ ២ភាគរយប៉ុណ្ណោះនៃការមានផ្ទៃពោះ។ វាគឺជាការក្អួតជាប់ខ្លាំង រហូតដល់ត្រូវការសម្រាកពេទ្យដោយសារតែខ្សោះជាតិទឹកខ្លាំង។ ស្រ្តីដែលជួបបញ្ហានេះនឹងស្រកទម្ងន់ច្រើនជាង ៥ភាគរយ។

បើសិនជាអ្នកជួបបញ្ហានេះម្តង អ្នកទំនងជាប្រឈមនឹងរឿងនេះទៀតនៅពេលមានផ្ទៃពោះលើកក្រោយ។ កត្តាផ្សេងៗដែលចូលរួមក្នុងរឿងនេះអាចជា៖

• ប្រវត្តិគ្រួសារធ្លាប់មានបញ្ហានេះ
• កំពុងតែមានអាយុវ័យក្មេង
• មានផ្ទៃពោះជាលើកដំបូង
• កំពុងតែពរពោះកូនភ្លោះច្រើន(អាន:ថ្នាំងងុយគេង ពេលអ្នកគួរប្រើ)
• កំពុងតែមានធាត់ ឬធាត់ជ្រុល៕