ដឹងអត់ថា ជំងឺទឹកនោមផ្អែមក្នុងពេលមានផ្ទៃពោះប៉ះពាល់អ្វីខ្លះដល់កូនក្នុងផ្ទះ?

ជំងឺទឹកនោមផ្អែមគឺជាជំងឺដែលកើតឡើងជាញឹកញាប់មួយក្នុងប្រទេសកម្ពុជាយើង ក៏ដូចជាពិភពលោកទាំងមូល។ ការរស់នៅជាមួយជំងឺទឹកនោមផ្អែមគឺជារឿងពិបាក ហើយក៏ទាមទារឲ្យមានការគ្រប់គ្រងជាតិស្ករក្នុងឈាមឲ្យបានល្អជារៀងរាល់ថ្ងៃជាមួយរបបអាហារ និងសកម្មភាពដែលត្រូវធ្វើផ្សេងៗទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ក្រុមគ្រួសាររបស់អ្នកជំងឺទឹកនោមផ្អែមក៏ប្រឈមនឹងបញ្ហាជាច្រើនថែមទៀតដែរ ទោះបីជាពួកគេមិនមានឥទ្ធិពលដោយផ្ទាល់ទៅលើជាតិស្ករក្នុងឈាមក៏ដោយ។ យ៉ាងណាមិញ ក្នុងករណីជំងឺទឹកនោមផ្អែម គ្រួសារអ្នកប្រហែលជារងការប៉ះពាល់ដោយផ្ទាល់តាមរយៈការលើសខ្លាំង ឬចុះខ្លាំងនៃជាតិស្ករក្នុងឈាម។ សម្រាប់ជំងឺទឹកនោមផ្អែមក្នុងពេលមានផ្ទៃពោះវិញ ប្រហែលជាប៉ះពាល់ដល់សុខភាពទារកដែរ។ ជាតិស្ករច្រើនតែវិលមកធម្មតាវិញក្រោយពីសម្រាលកូនរួច ប៉ុន្តែវាប្រហែលជាកត្តាប្រឈមមុខមួយនៃជំងឺទឹកនោមផ្អែមប្រភេទទី២នៅពេលអនាគត់ទៀត។ ការលើសជាតិស្ករខ្លាំងក្នុងពេលមានផ្ទៃពោះអាចប៉ះពាល់ដល់សុខភាពទារកដែរ។

ជំងឺទឹកនោមផ្អែមក្នុងពេលមានផ្ទៃពោះប្រហែលជាប៉ះពាល់ដល់ទារកខណៈពេលដែលវានៅតែស្ថិតក្នុងរាងកាយម្តាយដដែល និងក្រោយពីសម្រាលកូនហើយក៏ដោយ។ មិនខុសគ្នានឹងផលវិបាកនានានៃការមានផ្ទៃពោះទេ ការមានជំងឺទឹកនោមផ្អែមក្នុងពេលមានផ្ទៃពោះគឺជារឿងដែលគួរឲ្យបារម្ភខ្លាំងណាស់។ ជំងឺទឹកនោមផ្អែមក្នុងពេលមានផ្ទៃពោះអាចប៉ះពាល់ដល់ទារកតាមរបៀបដូចខាងក្រោមនេះ៖

កូនថ្លោសពេក

កូនដែលកើតមកថ្លោសពេកអាចបណ្តាលមកពីម្តាយមានជំងឺទឹកនោមផ្អែមក្នុងពេលមានផ្ទៃពោះ។ ការលើសជាតិស្ករក្នុងឈាមម្តាយអាចឆ្លងចូលទៅក្នុងសុកកូន ហើយក៏ធ្វើឲ្យលំពែងរបស់ទារកបង្កើតអាំងស៊ុយលីនកាន់តែច្រើនថែមទៀតដែរ។ រឿងនេះនឹងធ្វើឲ្យកូនកើតមកថ្លោសជាងធម្មតា ឬហៅថា Macrosomia ដែលច្រើនតែត្រូវការសម្រាលដោយវះកាត់។ 

ជាតិស្ករក្នុងឈាមចុះទាប

នៅពេលជាតិស្ករក្នុងឈាមម្តាយធ្លាប់តែខ្ពស់ស្រាប់ហើយចូលទៅក្នុងសុកបានទៀតនោះ រាងកាយរបស់ទារកចាប់ផ្តើមបង្កើតអាំងស៊ុយលីនកាន់តែច្រើន។ ហេតុដូច្នេះហើយ ទារកក៏ប្រហែលជាមានអាការៈកង្វះជាតិស្ករក្នុងឈាម ឬជាតិស្ករក្នុងឈាមទាបដោយសារតែអាំងស៊ុយលីនដែលរាងកាយទារកផលិតនោះមានច្រើនពេក។ 

កើតមិនគ្រប់ខែ

ការសម្រាលកូនមិនគ្រប់ខែមានអត្រាកើនឡើងខ្ពស់ទូរទាំងពិភពលោក ហើយការមានជំងឺទឹកនោមផ្អែមក្នុងពេលមានផ្ទៃពោះក៏បង្កើនការប្រឈមមុខមួយនេះខ្ពស់ដែរ។ ការលើសជាតិស្ករក្នុងឈាមអាចធ្វើឲ្យប្រឈមខ្ពស់នឹងការឆាប់សម្រាលកូនពេក និងសម្រាលកូនមិនគ្រប់ខែទៀត។ ដោយសារតែការសម្រាលកូនមិនគ្រប់ខែក៏ទាក់ទងនឹងទារកធាត់ពេក ករណីខ្លះគ្រូពេទ្យប្រហែលណែនាំឲ្យឆាប់សម្រាលកូនបន្តិចដោយសារតែទារកធំ ឬថ្លោសពេក។ 

បញ្ហាផ្លូវដង្ហើម

ទារកកើតមិនគ្រប់ខែក៏ជាប់ទាក់ទងគ្នាយ៉ាងខ្លាំងនឹងបញ្ហាផ្លូវដង្ហើមដែរ។ ទារកដែលកើតមុនកំណត់ប្រហែលជាធ្លាប់មានចង្កោមរោគសញ្ញាថប់ដង្ហើម ទារកដែលកើតមកមានបញ្ហានេះច្រើនតែពិបាកដកដង្ហើមដោយសារតែសួតនៅខ្សោយនៅឡើយ។ ទារកខ្លះដែលកើតពីម្តាយមានជំងឺទឹកនោមផ្អែមពេលមានផ្ទៃពោះប្រហែលជាមានបញ្ហាផ្លូវដង្ហើមទោះបីជាពួកគេកើតគ្រប់ខែហើយក៏ដោយ។ 

ការប្រឈមនឹងជំងឺទឹកនោមផ្អែមប្រភេទទី២

ចាប់តាំងពីហ្សែនដើរតួនាទីដ៏សំខាន់មួយក្នុងការប្រឈមនឹងជំងឺទឹកនោមផ្អែមមក ក្មេងដែលកើតពីម្តាយមានជំងឺទឹកនោមផ្អែមក្នុងពេលមានផ្ទៃពោះ ប្រហែលជាប្រឈមកាន់តែខ្ពស់នឹងជំងឺទឹកនោមផ្អែមប្រភេទទី២ក្នុងជីវិតរបស់ពួកគេដែរ។ 

តើធ្វើដូចម្តេចទើបអាចបង្ការជំងឺទឹកនោមផ្អែមក្នុងពេលមានផ្ទៃពោះបាន?

ខណៈបេលដែលជំងឺនេះអាចបណ្តាលឲ្យមានផលវិបាកច្រើនប្រភេទ តែដំណឹងល្អនោះគឺថា ជំងឺទឹកនោមផ្អែមប្រភេទទី២អាចបង្ការ និងព្យាបាលបានក្នុងពេលមានផ្ទៃពោះ។ ការប្រាកដថា រាងកាយមានភាពសមសួន និងសុខភាពល្អទាំងទម្ងន់មានសុខភាពល្អដែរ ញ៉ាំអាហារផ្តល់សុខភាពក្នុងពេលមានផ្ទៃពោះ និងរស់នៅសកម្មទៀត ពិតជាអាចជួយបន្ថយការប្រឈមនឹងការកើតជំងឺទឹកនោមផ្អែមក្នុងពេលមានផ្ទៃពោះបាន។ (អាន:ថ្នាំងងុយគេង ពេលអ្នកគួរប្រើ)ស្រ្តីខ្លះក៏ប្រហែលជាត្រូវការប្រើថ្នាំដើម្បីគ្រប់គ្រងជាតិស្ករក្នុងឈាមក្នុងពេលមានផ្ទៃពោះផង។ យកល្អគួរតែពិគ្រោះជាមួយគ្រូពេទ្យជានិច្ចមុនពេលចាប់ផ្តើម ឬផ្អាក់ការលេបថ្នាំគ្រប់ប្រភេទ ជាពិសេសក្នុងពេលមានផ្ទៃពោះតែម្តង៕