សុខភាពផ្លូវចិត្តមានរឿងច្រើនណាស់ មិនគ្រាន់តែជាជំងឺផ្លូវចិត្ត ឬជំងឺបាក់ទឹកចិត្ត និងថប់អារម្មណ៍ឡើយ។ តែវាក៏ប៉ះពាល់ដល់សុខភាពផ្សេងៗទៀតដែរ។ ស្ថានភាពនៃសុខភាពផ្លូវចិត្តមានឥទ្ធិពលទៅលើសមត្ថភាពរបស់យើងក្នុងការគិត អារម្មណ៍ ដោះស្រាយស្រ្តេស និងការបង្កើតជម្រើស។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ ទម្លាប់ប្រចាំថ្ងៃតិចតួចអាចជួយអ្នកមានអារម្មណ៍កាន់តែល្អ និងបន្ថយការប្រឈមនឹងជំងឺផ្លូវចិត្តបាន។

ធ្វើទៅតាមរបៀបរស់នៅផ្តល់សុខភាព

គ្មានអ្វីអាចជួយអ្នកបានច្រើនដូចរបៀបរស់នៅផ្តល់សុខភាពឡើយ។ ការហាត់ប្រាណ របបអាហារ និងជម្រើសផ្តល់សុខភាពមិនគ្រាន់តែសំខាន់សម្រាប់សុខភាពរាងកាយទេ តែវាក៏ជាប់ទាក់ទងនឹងសុខភាពផ្លូវចិត្តដែរ។ ការហាត់ប្រាណនាំឲ្យបញ្ចេញសារធាតុ Endorphins ក្នុងរាងកាយដែលអាចជួយបង្កើនសុខភាពផ្លូវចិត្តបាន។ ការញ៉ាំផ្អែម ប្រេង និងអាហារមិនផ្តល់សុខភាពផ្សេងៗទៀតច្រើនពេកមានជាប់ទាក់ទងការប្រឈមខ្ពស់នឹងការបាក់ទឹកចិត្ត ដូច្នេះរបបអាហារផ្តល់សុខភាពអាចជួយបន្ថយរឿងនេះបាន។ 

ចូរប្រាកដថាអ្នកគេងលក់ស្រួល

ការគេងលក់ស្រួលគឺជារឿងសំខាន់បំផុតសម្រាប់សុខភាពផ្លូវចិត្ត ហើយមនុស្សភាគច្រើនចាប់ផ្តើមបង្ហាញអាការៈនៃជំងឺផ្លូវចិត្តនៅពេលពួកគេគេងមិនបានគ្រប់គ្រាន់។ ការគេងគឺជាវិធីស្តាថាមពលក្នុងរាងកាយ ព្រមទាំងថាមពលផ្លូវចិត្តទៀត។ ចូរងូតទឹកឲ្យស្រួលខ្លួនសិនចាំគេង និងប្រាកដថាបន្ទប់គេងគ្មានសម្លេង ហើយភ្ញាក់ពីគេងឲ្យទៀងទាត់។ ចូរព្យាយាមដាក់ទូរសស័ព្ទឲ្យឆ្ងាយពីខ្លួនមុនពេលគេង។ ចូរអានសៀវភៅដើម្បីផ្តល់ភាពរីករាយដល់ខ្លួនឯង។ 

ញ៉ាំទឹកឲ្យបានគ្រប់គ្រាន់

បញ្ហាសុខភាពភាគច្រើនអាចដោះស្រាយបានតាមរយៈការញ៉ាំទឹក ហើយវាហាក់បីដូចជារឿងពិតមួយសម្រាប់សុខភាពផ្លូវចិត្ត។ សម្រាប់បញ្ហាស្បែក និងសក់រហូតដល់ជំងឺធ្ងន់ធ្ងរ ការបង្គ្រប់ជាតិទឹកបានល្អអាចជួយដល់រឿងស្ទើរតែភាគច្រើន។ (អាន:ថ្នាំងងុយគេង ពេលអ្នកគួរប្រើ)ការស្រាវជ្រាវបានបង្ហាញថា ឥទ្ធិពលមួយគួរឲ្យចាប់អារម្មណ៍គឺការបង្គ្រប់ជាតិទឹកល្អចំពោះសុខភាពផ្លូវចិត្ត និងអារម្មណ៍៕