ខ្លាំងបាត់!!! គ្រាន់តែប្រើវិធីងាយៗទាំងនេះ ក៏អាចព្យាបាលសាច់ដុះលយលើស្បែកបានដែរ

សាច់ដុះលយលើស្បែកគឺជាជាលិកាដែលទន់ សាច់ស្លូត និងច្រើនតែកើតឡើងនៅលើស្បែកដែលមានលក្ខណៈផ្នត់ៗដូចជា ក ឃ្លៀក សុដន់ គ្រលាន និងត្របកភ្នែក។ ការលូតលាស់បែបនេះគឺជាកូឡាជែនសរសៃធូរៗ ដែលកកកុញគ្នាខាងក្នុងតំបន់ក្រាស់ៗរបស់ស្បែកតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យើងមិនដឹងមូលហេតុច្បាស់លាស់របស់សាច់ដុះលយលើស្បែកនេះនៅឡើយទេ ប៉ុន្តែវាប្រហែលជាកើតឡើងដោយសារតែកកិតស្បែកលើគ្នា។ ការសិក្សាមួយបានរកឃើញថា សាច់ដុះលយលើស្បែកមានទំនាក់ទំនងនឹងជំងឺធាត់ជ្រុល និងទឹកនោមផ្អែមប្រភេទទី២។ បម្រែមប្រួលអ័រម៉ូនក្នុងពេលមានផ្ទៃពោះក៏ជាដើមហេតុមួយដែរ។

សាច់ដុះលយលើស្បែកច្រើនតែមិនត្រូវការការព្យាបាល ឬទៅជួបពេទ្យឡើយ។ តែបើសិនជាអ្នកជ្រើសរើសយកវាចេញ យកល្អគួរតែប្រើថ្នាំដែលមានស្រាប់ក្នុងផ្ទះបាយទៅល្អជាង។ ការព្យាបាលដោយខ្លួនឯងភាគច្រើនគឺតម្រូវឲ្យសាច់ដែលដុះលយលើស្បែកនោះស្ងួតរហូតស្វិត ហើយជ្រុះចេញដោយខ្លួនឯង។ (សូមអានបន្ថែម៖ តើសាច់ដែលដុះលយលើស្បែក អាចទៅជាមហារីកដែរទេ?)

ប្រេងដើមតែ

ប្រេងដើមតែ មានសមត្ថភាពសម្លាប់វីរុស និងមេរោគផ្សិត ហើយក៏មានសុវត្ថិភាពសម្រាប់ស្បែកផងដែរ។ ដំបូងឡើយ ចូរលាងកន្លែងដុះសាច់នេះឲ្យស្អាត។ បន្ទាប់មកប្រើដុំសម្លីមួយដុំ ទៅជ្រលួកប្រេងនេះហើយយកទៅម៉ាស្សាទៅលើសាច់ដុះលយលើស្បែកនោះថ្នមៗ។ ចូរប្រើបង់រុំទុកចោលមួយប់។ ចូរធ្វើវិធីនេះម្តងទៀតច្រើនយប់រហូតដល់សាច់នេះស្ងួត ហើយជ្រុះចេញដោយខ្លួនឯង។ 

សម្បកចេក

ចូរកុំទាន់បោះសម្បកចេកចាស់ៗចោលអីជាពិសេសបើសិនជាអ្នកកំពុងតែមានសាច់ដុះលយលើស្បែកហើយ។ សម្បកចេកក៏អាចជួយផ្តល់ភាពស្ងួតដល់សាច់នេះបានដែរ។ ចូរប្រើសម្បកចេកខាងក្នុងស្អំពីលើសាច់នេះហើយយកបង់រុំទុកចោលមួយយប់។

ទឹកខ្មេះផ្លែប៉ោម

ចូរជ្រលួកសម្លីមួយដុំជាមួយនឹងទឹកខ្មេះផ្លែប៉ោម ហើយដាក់វានៅលើស្បែកដែលដុះសាច់នោះ។ បន្ទាប់មកយកបង់រុំរយៈពេល ១៥ ទៅ ៣០នាទី ចាំលាងសម្អាតវិញ។ ចូរធ្វើបែបនេះរាល់ថ្ងៃរយៈពេលពីរសប្តាហ៍។ ជាតិអាស៊ីតរបស់ទឹកខ្មេះផ្លែប៉ោមនឹងទៅរំលាយជាលិកាសាច់ដុះលយលើស្បែក និងជ្រុះចេញដោយខ្លួនឯង។ 

វីតាមីន E

ការចាស់ទៅតាមអាយុប្រហែលជានាំឲ្យកើតជាសាច់ដុះលយលើស្បែកបាន។ ចាប់តាំងពីវីតាមីន E គឺជាអង់ទីអុកស៊ីដង់សម្រាប់ប្រឆាំងនឹងភាពជ្រីវជ្រួញ និងថែរក្សាស្បែកឲ្យមានសុខភាពល្អមក ការលាបវីតាមីន E លើសាច់ដែលដុះលយលើស្បែកប្រហែលជាអាចបង្ខំឲ្យវាឈប់លូតលាស់បានក្នុងរយៈពេលពីរបីថ្ងៃ។ 

ខ្ទឹមស

ខ្ទឹមសមានប្រយោជន៍ក្នុងការប្រឆាំងភាពចាស់ ហើយក៏ជួយពង្រឹងដល់លក្ខណៈខាងក្រៅរបស់ស្បែកដែរតាមរយៈការបន្ថយការរលាក។ ដើម្បីបំបាត់សាច់ដែលដុះលយលើស្បែកបែបធម្មជាតិ ចូរយកខ្ទឹមសដែលវ៉ៃបំបែករួចពីលើសាច់ដែលដុះនោះ ហើយប្រើបង់រុំទុកចោលមួយយប់។(អាន:ថ្នាំងងុយគេង ពេលអ្នកគួរប្រើ) ចូរលាងសម្អាតវិញនៅពេលព្រឹក ហើយធ្វើបែបនេះរហូតដល់សាច់នេះរួញស្វិតវិញ៕