Join with Health.com.kh on Telegram

យោងទៅតាមការសិក្សាមួយដែលចុះផ្សាយក្នុងសារព័ត៌មាន Nature បានឲ្យដឹងថា ក្រុមហ៊ុនបច្ចេកវិទ្យាយក្ស Google នាពេលថ្មីៗនេះកំពុងតែដាក់បញ្ចូលប្រព័ន្ធ AI (Artificial Intelligence) ឬហៅថាភាពឆ្លាតវៃសិប្បនិមិត្ត ដើម្បីធ្វើការសម្គាល់ជំងឺមហារីកសុដន់កាន់តែមានភាពសុក្រិតជាងមុន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប្រព័ន្ធស្គេនដោយបច្ចេកវិទ្យា AI ដ៏ថ្មីនេះអាចពិនិត្យមើលរូបភាពដែលថត Mammogram ដើម្បីរកមើលការលូតលាស់របស់សាច់មហារីកបាន ហើយដល់ពេលឥឡូវនេះត្រូវបានគេអះអាងថាអាចកាត់បន្ថយភាពខុសមិនត្រឹមត្រូវបាន ៩.៥ភាគរយ។ 

ការថត Mammograms មានប្រសិទ្ធភាពបំផុត ប៉ុន្តែវានៅតែមានបញ្ហាមួយទាក់ទងនឹងអវិជ្ជមានមិនពិត និងវិជ្ជមានមិនពិតដដែល។ ក្នុងការស្រាវជ្រាវមួយដែលផ្តល់ជំនួយពី Google ផ្ទាល់នោះ អ្នកវិទ្យាសាស្រ្តបាន បានរករូបភាពថត Mammogram របស់ស្រ្តីប្រមាណ ២៥០០០នាក់ ពីប្រទេសអង់គ្លេស និង ៣០០០នាក់ពីអាមេរិក។ រូបភាពបទាំងនេះត្រូវបានដាក់ឲ្យស្គេនដោយប្រើបច្ចេកវិទ្យា AI នេះ ដើម្បីរកមើលសញ្ញានៃជំងឺមហារីក ដែលមានរូបភាពសរុបទាំងអស់ ២៨០០០ សន្លឹក។ ជាលទ្ធផល ការកំណត់រោគវិនិច្ឆ័យអវិជ្ជមានមិនពិតចំពោះស្រ្តីជនជាតិអាមេរិកមានការថយចុះ ៩.៤ភាគរយ និងវិជ្ជមានមិនពិតបាន ៥.៧ភាគរយ។ អវិជ្ជមានមិនពិតថយចុះ ២.៧ភាគរយ ខណៈពេលដែលវិជ្ជមានមិនពិតថយបាន ១.២ភាគរយ លើស្រ្តីជនជាតិអង់គ្លេស ដែលទាំងអស់នេះត្រូវបានពិនិត្យឡើងវិញដោយអ្នកជំនាញខាងរូបភាពវេជ្ជសាស្រ្តពីររូបទៀត។ 

ប្រព័ន្ធមួយនេះមិនបានដំណើរការណ៍រកឃើញសុក្រិតគ្រប់ពេលទាំងអស់ឡើយ ដោយសារតែមានករណីច្រើនណាស់ដែល AI មិណអាចសម្គាល់មហារីកបានដូចគ្រូពេទ្យទេ។ (អាន:ថ្នាំងងុយគេង ពេលអ្នកគួរប្រើ)

ហេតុដូច្នេះហើយទើប Google គ្រាន់តែចាត់ទុកថាគម្រោងមួយនេះគ្រាន់តែអាចជួយកំណត់រោគវិនិច្ឆ័យរបស់អ្នកជំនាញរូបភាពវេជ្ជសាស្រ្ត ហើយក៏មិណអាចជំនួសជំនាញរបស់ពួកគេបានដែរ៕