ថ្វីបើការព្យាបាលដោយថ្នាំពេទ្យអាចជួយបាន តែក៏មានការផ្លាស់ប្តូររបៀបរស់នៅមួយចំនួន និងការព្យាបាលដោយខ្លួនឯងខ្លះអាចជួយសម្រួលដល់អាការៈរបស់វាបានដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជាធម្មតា គ្រូពេទ្យព្យាបាលការរលាកសន្លាក់ដោយប្រើថ្នាំបំបាត់ការឈឺចាប់ និងប្រឆាំងការរលាក។ ប៉ុន្តែ ថ្នាំខ្លះបង្កជាផលរំខាន ដូច្នេះការប្រើរបៀបធម្មជាតិអាចជារឿងពេញនិយមបំផុតវិញ។
ចាក់ម្ជុរវិទ្យាសាស្រ្ត
ការចាក់ម្ជុរវិទ្យាសាស្រ្តគឺជាការព្យាបាលបែបវេជ្ជសាស្រ្តបូរាណចិន។ ការចាក់ម្ជុរបែបនេះនឹងរក្សាបានឡើងវិញនូវតុល្យភាពរាងកាយ និងបង្កើនថាមពល។ ការចាក់ម្ជុរនេះត្រូវបានគេរកឃើញថាមានប្រយោជន៍ ហើយក៏ទទួលស្គាល់ពីអង្គការសុខភាពពិភពលោកក្នុងការព្យាបាលជំងឺច្រើនជាង ១០០មុខខុសៗគ្នាដែរ។ ជាមួយគ្នានេះដែរ ការចាក់ម្ជុរវិទ្យាសាស្រ្តមានសមត្ថភាពក្នុងការបន្ថយការឈឺចាប់ដោយសារតែរលាកសន្លាក់បាន។
ហាត់ប្រាណឲ្យបានច្រើន
ការហាត់ប្រាណមានអត្ថប្រយោជន៍របស់វាច្រើនជាងការសម្រកទម្ងន់ទៅទៀត។ ការហាត់ប្រាណទៀងទាត់អាចជួយរក្សាភាពបត់បែបនរបស់សន្លាក់។ ការហាត់ប្រាណដោយទ្រទម្ងន់ដូចជា ការដើរ និងរត់អាចធ្វើឲ្យមានការខូចខាតលើសដើមបាន។ ដូច្នេះការហាត់ប្រាណមានឥទ្ធិពលទាបដូចជា ហែលទឹក អាចជួយសម្រួលដល់សម្ពាធក្នុងសន្លាក់បាន។
ការព្យាបាលដោយក្តៅ និងត្រជាក់
ការប្រើប្រាស់វិធីព្យាបាលដោយទឹកក្តៅ និងត្រជាក់ គឺជាមធ្យោបាយដ៏ល្អបំផុតក្នុងការដោះស្រាយបញ្ហា។ ភាពក្តៅនឹងជួយសម្រួលដល់សន្លាក់ដែលគាំង និងឈឺសាច់ដុំ ខណៈពេលដែលប្រើទឹកត្រជាក់អាចជួយឲ្យសរសៃឈាមរួមតូច និងបន្ថយការហើមបាន។ ការព្យាបាលដោយភាពក្តៅអាចជួយឲ្យគេងលក់ស្រួល និងបំបាត់ការឈឺសន្លាក់ទៀត។ ការប្រើវិធីព្យាបាលដោយប្រើទឹកត្រជាក់គួរតែស្អំត្រឹមតែ ២០នាទីម្តង ប៉ុន្តែមិនត្រូវស្អំនឹងទឹកកកជាប់នឹងស្បែកផ្ទាល់ឡើយ។
អាស៊ីតខ្លាញ់អូមេហ្គាបី
ការសិក្សាបានឲ្យដឹងថា អាស៊ីតខ្លាញ់អូមេហ្គាបីអាចជួយបន្ថយការហើមក្នុងរាងកាយ ហើយក៏ជួយសម្រួលដល់ប្រព័ន្ធភាពស៊ាំបានទៀត។ តាមការសិក្សាបានឲ្យដឹងថា អាស៊ីតខ្លាញ់អូមេហ្គាបីអាចជួយសម្រួលអាការៈរបស់ជំងឺរលាកសន្លាក់បែប Rheumatic បាន ប៉ុន្តែវាក៏ត្រូវការការបញ្ជាក់កាន់តែច្បាស់ទៀតដែរ។ ប្រភពអាស៊ីតខ្លាញ់អូមេហ្គាបីមានដូចជា គ្រាប់ធញ្ញជាតិ សណ្តែកដី ឬត្រីសាលម៉ុង។ អាស៊ីតខ្លាញ់នេះក៏មានជាប្រភេទថ្នាំបំប៉នផងដែរ។
សម្រកទម្ងន់
កាលណាមនុស្សយើងកាន់តែធាត់ គឺកាន់តែដាក់សម្ពាធខ្លាំងលើសន្លាក់ ហើយក៏ធ្វើឲ្យងាយនឹងរលាកសន្លាក់ផងដែរ ជាពិសេសជំងឺរលាកឆ្អឹងខ្ចីក្នុងសន្លាក់តែម្តង។ (អាន:ថ្នាំងងុយគេង ពេលអ្នកគួរប្រើ) ការស្រកទម្ងន់អាចជួយបំបាត់សម្ពាធក្នុងសន្លាក់ បន្ថយភាពគាំង និងឈឺចាប់៕