Join with Health.com.kh on Telegram

តើអ្នកមានដឹងទេថា ក្រែមអប់សក់ដែលធ្វើពីការ៉ុត និងដូងជាវិធីសាស្រ្តដ៏អស្ចារ្យមួយដើម្បីជួយការពារសក់ជ្រុះដែរទេ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការជ្រុះសក់គឺជាបញ្ហាសម្រស់មួយប្រភេទដែលកើតឡើងទាំងបុរស និងស្រ្តី។ ប៉ុន្តែវាមិនមែនជារឿងដែលយើងគ្មានដំណោះស្រាយទេ។ 

ក្រែមអប់សក់ដែលធ្វើពីការ៉ុតនិងដូងគឺជារូបមន្តដ៏អស្ចារ្យមួយដែលអ្នកគួរតែអនុវត្ត។ គ្រឿងផ្សំធម្មជាតិទាំងពីរនេះល្អបំផុតសម្រាប់ជំរុញដល់ការភ្ញោចរស់សក់ថ្មីមកវិញ។ ចំពោះវិធីផ្សំធ្វើវិញគឺមិនមានអ្វីពិបាកឡើយ ប៉ុន្តែអ្វីដែលត្រូវការនោះគឺអត់ធ្មត់នឹងវាបន្តិចទើបទទួលបានលទ្ធផលល្អប្រសើ។ 

គ្រឿងផ្សំ៖

  • ការ៉ុតធំ៣មឺម ដោយកាត់វាជាដុំតូចៗ
  • ខ្ទិះដូង ២៥០មីលីលីត្រ។

របៀបធ្វើ៖

  • ដើម្បីចាប់ផ្តើម ចូរកាត់ការ៉ុតជាដុំតូចៗ ហើយច្របាច់វាយកតែទឹក
  • បន្ទាប់មក ចូរលាយវាជាមួយនឹងខ្ទិះដូងដើម្បីក្លាយជាល្បាយស្មើរសាច់មួយ។ 

របៀបប្រើ៖

  • ដើម្បីយកវាមកប្រើបាន សរសៃសក់ និងស្បែគក្បាលត្រូវតែលាងឲ្យស្អាតសិន។ 
  • នៅពេលអ្នកប្រើវាជាក្រែមអប់សក់ ចូរប្រាកដថា ចូរលាបវាពីគល់ដល់ចុងសក់ផង។ ជាមួយគ្នានេះដែរ ចូរប្រើចុងម្រាមដៃដើម្បីម៉ាស្សាស្បែកក្បាលទាំងមូល។ ចូរធ្វើបែបនេះប្រហែល ៥នាទី។ (អាន:ថ្នាំងងុយគេង ពេលអ្នកគួរប្រើ)
  • ដើម្បីឲ្យក្រែមអប់សក់នេះមានប្រសិទ្ធភាព ចូរប្រើមួកសម្រាប់ងូតទឹកគ្របពីលើសក់ប្រហែលកន្លះម៉ោងផង។
  • ចុងក្រោយ ចូរលាងសម្អាតវាចេញដោយប្រើទឹក និងសាប៊ូកក់សក់បន្តិច
  • ចូរធ្វើបែបនេះម្តងក្នុងមួយសប្តាហ៍៕