អ្នកស្រាវជ្រាវបានរកឃើញថា ប្រភេទម៉ាស៊ីនដែលរៀនចេះដឹងដោយខ្លួនឯង ឬហៅថា AI ទម្រង និងកុំព្យូទ័រទំនើបដើម្បីរៀនសូត្រអ្វីដែលលឿន អាចប៉ាន់ស្មានដឹងអំពីការប្រឈមមុខរយៈពេលយូរនៃជំងឺគាំងបេះដូង និងការស្លាប់ដោយសារតែបេះដូងបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យោងទៅតាមការសិក្សាមួយដែលចុះផ្សាយក្នុងសារព័ត៌មាន Cardiovascular Research បានឲ្យដឹងថា ប្រភេទម៉ាស៊ីនដែលរៀនចេះដោយខ្លួនឯងអាចប៉ាន់ស្មានដឹងអំពីជំងឺគាំងបេះដូង និងការស្លាប់ដោយសារតែបេះដូងល្អជាងការវាយតម្លៃតាមលក្ខណៈរោគសញ្ញាដោយអ្នកជំនាញឯកទេសបេះដូងទៅទៀត។
អ្នកស្រាវជ្រាវមកពី Biomedical Imaging Research Institute ក្នុងសហរដ្ឋអាមេរិក បាននិយាយថា “ការសិក្សារបស់យើងបានបង្ហាញថា ការចូលរួមរបស់ប្រភេទម៉ាស៊ីនរៀនសូត្រចេះដោយខ្លួនឯងចំពោះកត្តាប្រឈមមុខ និងការរូបភាពវេជ្ជសាស្រ្តអាចផ្តល់ភាពសុក្រិតផ្ទាល់ខ្លួនទៅលើការប្រឈមមុខរបស់អ្នកជំងឺបាន ជាពិសេសជំងឺគាំងបេះដូង ឬការស្លាប់ដោយសារតែបេះដូងតែម្តង។
សម្រាប់ការសិក្សានេះ ក្រុមអ្នកស្រាវជ្រាវបានសិក្សាទៅលើប្រធានបទជាច្រើនបានមកពីការថតរូបវេជ្ជសាស្រ្តដែលគេវាយតម្លៃដោយដាក់ពិន្ទុជាតិកាលស្យូមក្នុងសរសៃឈាមបេះដូង តាមរយៈការថត CT Scans និងតាមដានរយៈពេលយូរ។ អ្នកចូលរួមសិក្សានៅទីនេះគឺមិនមានរោគសញ្ញាអ្វីទាំងអស់ អាយុវ័យកណ្តាល តែមានកត្តាប្រឈមនឹងជំងឺបេះដូងសរសៃ និងមិនដឹងថាមានជំងឺសរសៃឈាមបេះដូងទេ។ អ្នកស្រាវជ្រាវបានប្រើប្រាស់បច្ចេកវិទ្យាប្រភេទម៉ាស៊ីន AI ដើម្បីវាយតម្លៃការប្រឈមនឹងជំងឺស្លោកសាច់ដុំបេះដូង និងការស្លាប់ដោយសារតែជំងឺបេះដូង បន្ទាប់មកធ្វើការប្រៀបធៀបការទស្សន៍ទាយជាមួយនឹងបទពិសោធន៍ពិតនៃអ្នកចូលរួមសិក្សាទាំងនោះរយៈពេល ១៥ឆ្នាំ។
អ្នកចូលរួមសិក្សាបានឆ្លើយនូវតារាងសំណួរមួយដើម្បីបញ្ជាក់អំពីកត្តាប្រឈមនឹងជំងឺបេះដូងសរសៃឈាម និងប្រាប់អំពីរបបអាហារពួកគេ ការហាត់ប្រាណ និងស្ថានភាពគ្រួសារ។ ការសិក្សានេះមានមនុស្សចូលរួមប្រមាណជាង ១៩១២នាក់ រយៈបេល ១៥ឆ្នាំក្រោយពីពួកកេត្រូវបានសិក្សាដំបូង។ ក្នុងនោះដែរមានអ្នកចូលរួមសិក្សាប្រមាណ ៧៦នាក់ប្រាប់ថា មានបញ្ហាស្លោកសាច់ដុំបេះដូង ឬការស្លាប់ដោយសារតែបេះដូងក្នុងពេលកំពុងតែតាមដាន។ (អាន:ថ្នាំងងុយគេង ពេលអ្នកគួរប្រើ) ក្នុងនោះដែរ ការប្រើបច្ចេកវិទ្យា AI ទៅលើអ្នកចូលរួមសិក្សានោះមានលក្ខណៈសុក្រិតជាង តាមរយៈការឲ្យពិន្ទុនៅប្រៀបធៀបជាមួយការវាយតម្លៃពីអ្នកជំនាញឯកទេសបេះដូង៕