អ្នកស្រាវជ្រាវបានរកឃើញថា ស្រ្តីមានផ្ទៃពោះដែលញ៉ាំអាហារច្រើនជារៀងរាល់ថ្ងៃក្រោយម៉ោង ៧ល្ងាច និងអ្នកមានរបបអាហារមិនល្អក្នុងពេលមានផ្ទៃពោះ ទំនងជាងាយនឹងឡើងទម្ងន់ណាស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យោងទៅតាមការសិក្សាមួយដែលចុះផ្សាយក្នុងសារព័ត៌មាន Nutrients បានឲ្យដឹងថា មនុស្សទាំងបីក្រុមដូចគ្នាគឺទំនងជាងាយកើតមានបញ្ហាឡើងទម្ងន់ចាប់ពី ៥គីឡូក្រាមឡើងទៅរហូតដល់បីដង នៅរយៈពេល ១៨ខែ ក្រោយសម្រាលកូនរួច។
អ្នកស្រាវជ្រាវមកពី KK WOmen’s and Children’s Hospital (KKH) បានទាញទិន្នន័យពីការសិក្សាដ៏ធំមួយ គឺ GUSTO (Growing Up in Singapore Towards Healthy Outcomes)។ ប្រធានដឹកនាំការសិក្សា លោក Loy See Ling បានឲ្យដឹងថា “ការស្រាវជ្រាវរបស់យើងដែលផ្អែកទៅលើស្រ្តីជនជាតិអាស៊ីជាតិសាសចម្រុះ បានបង្ហាញឲ្យដឹងថា ថ្វីបើការញ៉ាំអាហារពេលយប់ និងគុណភាពរបបអាហារមានការថយចុះ មានជាប់ទាក់ទងនឹងការឡើងទម្ងន់បែបឯករាជ្យក៏ដោយ តែការអនុវត្តញ៉ាំអាហារពេលយប់ជាមួយនឹងរបបអាហារដែលមានគុណភាពមិនល្អអាចបញ្ជាក់ច្បាស់ថា ធ្វើឲ្យឡើងទម្ងន់ក្រោយសម្រាលកូនរួចខ្លាំងក្លាបំផុតតែម្តង ជាពិសេសក្រោយសម្រាលបាន ១៨ខែ”។ យោងទៅតាមអ្នកស្រាវជ្រាវបានឲ្យដឹងថា មានអំណះអំណាងបានបង្ហាញថា ការឡើងទម្ងន់ក្រោយរយៈពេលសម្រាលបានមួយឆ្នាំដំបូង មានជាប់ទាក់ទងនឹងការឡើងខ្ពស់នៃសន្ទស្សទម្ងន់ធៀបនឹងកម្ពស់ នៅរយៈពេល ១៥ឆ្នាំក្រោយសម្រាល។ ការឡើងទម្ងន់ជាលក្ខណៈចាលជាតិទឹកក្នុងខ្លួនក្រោយសម្រាលកូនក៏ឃើញថាមានគ្រោះថ្នាក់ជាងការឡើងទម្ងន់ក្នុងដំណាក់កាលផ្សេងៗទៀតនៃជីវិតដែរ ព្រោះតែជាតិខ្លាញ់កកកុញក្នុងពោះចៀសងផ្នែកផ្សេងៗនៃរាងកាយ។
លក្ខណៈបែបនេះមិនត្រឹមតែមានឥទ្ធិពលទៅលើសុខភាពម្តាយដូចជា ការរំលាយអាហារ និងផលវិបាកជាជំងឺបេះដូងសរសៃឈាមប៉ុណ្ណោះទេ តែក៏ផ្តល់ផលវិបាកដល់ការមានផ្ទៃពោះលើក្រោយ និងសុខភាពនៃអនាគតកូនទៀតផង។
សរុបទៅ ១៦ភាគរយនៃស្រ្តីមានផ្ទៃពោះ ៦៨៧នាក់ដែលបានចូលរួមក្នុងការសិក្សាបានឡើងទម្ងន់ចាប់ពី ៥គីឡូក្រាមឡើងទៅនៅរយៈពេល ១៨ខែក្រោយសម្រាលកូនរួច។ គេក៏រកឃើញទៀតថា ការឡើងទម្ងន់ជាលក្ខណៈចាលជាតិទឹកក្នុងខ្លួនក្រោយសម្រាលត្រូវបានគេសង្គេតឃើញនៅពេលពួកកេញ៉ាំអាហារពេលយប់ជាមួយគ្នានឹងគុណភាពអាហារកាន់តែខ្ពស់ ខណៈពេលដែលទំនាក់ទំនងនេះមានការចុះខ្សោយវិញនៅពេលញ៉ាំអាហារមានគុណភាពទាបនៅពេលយប់។
អ្នកស្រាវជ្រាវបានណែនាំថា ការញ៉ាំអាហារពេលយប់ប្រហែលជាមានសក្តានុពលខូចខាតជាងគុណភាពរបបអាហារអន់ ដែលនាំឲ្យឡើងទម្ងន់បែបចាលជាតិទឹកក្នុងខ្លួនក្រោយសម្រាលកូនរួច។(អាន:ថ្នាំងងុយគេង ពេលអ្នកគួរប្រើ) កាលណាញ៉ាំកាឡូរីកាន់តែច្រើននៅពេលព្រឹកក៏ជាប់ទាក់ទងគ្នាយ៉ាងខ្លាំងនឹងការធាត់ និងធាត់ជ្រុលផងដែរ៕