មនុស្សយើងភាគច្រើននៅពេលបច្ចុប្បន្ននេះច្រើនតែមានការពេញនិយមណាស់ការប្រើប្រាស់ទូរស័ព្ទឆ្លាតវៃមុនពេលចូលគេង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ អ្នកវិទ្យាសាស្រ្តបានរកឃើញថា ទូរស័ព្ទឆ្លាតវៃមានឥទ្ធិពលអាក្រក់ច្រើនចំពោះសុខភាព ហើយក៏មិនលើកទឹកចិត្តឲ្យប្រើប្រាស់វាច្រើនដែរ ជាពិសេសនៅពេលយប់តែម្តង។ នេះដោយសារតែ ទូរស័ព្ទទាំងអស់នោះនឹងបញ្ចេញពន្លឺពណ៌ខៀវ (Blue Light) ដែលជាកាំរស្មីរបស់ទូរស័ព្ទ និងប៉ះពាល់យ៉ាងច្រើនចំពោះសុខភាពមនុស្ស។
អ្នកវិទ្យាសាស្រ្តបាននិយាយទៀតថា ទូរស័ព្ទឆ្លាតវៃមានជាប់ទាក់ទងនឹងការបង្កជំងឺធ្ងន់ធ្ងរទាំងបីយ៉ាងដូចខាងក្រោមនេះនៅពេលប្រើប្រាស់វាច្រើននៅពេលយប់៖
ប្រឈមខ្ពស់នឹងមហារីក
កាលណាដែលប៉ះពាល់នឹងពន្លឺកាន់តែច្រើននៅពេលយប់អាចបណ្តាលឲ្យគេងមិនបានគ្រប់គ្រាន់ ដែលរឿងនេះប្រឈមខ្ពស់នឹងមហារីក ជាពិសេសមហារីកសុដន់ និងក្រពេញប្រូស្តាតតែម្តង។
តាមពិតទៅ Blue Light នឹងទៅទប់ស្កាត់ការបញ្ចេញអ័រម៉ូន Melatonin ដែលជាអង់ទីអុកស៊ីដង់សម្រាប់ជួយឲ្យងងុយគេងផង និងប្រឆាំងនឹងមហារីកផង។
គេងមិនលក់
អ័រម៉ូន Melatonin ក៏មាននាទីសម្រួលដល់វដ្តនៃការគេងរបស់មនុស្សយើងដែរ។ ដូច្នេះ នៅពេលរឿងនេះត្រូវបានរំខានដល់ Blue Light វាអាចបណ្តាលឲ្យគេងមិនងាយលក់លើយ។ ហើយកាលណាគេងមិនលក់ វានឹងបង្កជាផលវិបាកដូចជា៖
- ធាត់
- មានជំងឺបេះដូងសរសៃឈាម
- បាក់ទឹកចិត្ត
- ស្បែកឆាប់ចាស់
- បាត់បង់ការចងចាំ
- មិនមានការឆ្លើយតបនៃរាងកាយណាមួយលឿនដូចមុន
ខូចភ្នែក
ការប៉ះពាល់នឹង Blue Light ច្រើន អាចបណ្តាលឲ្យខូចរ៉េទីនរបស់ភ្នែក កើតជំងឺភ្នែកឡើងបាយ ព្រមទាំងជំងឺ Macular Degeneration។
គ្រូពេទ្យម្នាក់ ដែលបានពិនិត្យអ្នកជំងឺអាយុ ៣៥ឆ្នាំ ឃើញថាមានជំងឺភ្នែកឡើងបាយដូចអ្នកជំងឺ ៧៥ឆ្នាំដែរនោះ បានបញ្ជាក់ថា ការប្រើប្រាស់ទូរស័ព្ទឆ្លាតវៃមុនពេលចូលគេង អាចជាមូលហេតុដំបូងគេនៃជំងឺភ្នែកឡើងបាយ។ (អាន:ថ្នាំងងុយគេង ពេលអ្នកគួរប្រើ)
ដូច្នេះក្រោយពីបានមើលឃើញហេតុផលខាងលើនេះរួចហើយ យកល្អគួរតែបោះបង់ទម្លាប់ប្រើប្រាស់ទូរស័ព្ទឆ្លាតវៃមុនពេលចូលគេងទៀតទៅ៕