ប្រព័ន្ធផ្សព្វផ្សាយរបស់ប្រទេសអ៊ីរ៉ង់ បានអះអាងគួរឱ្យភ្ញាក់ផ្អើលថា បុរសអាយុ ៨០ ឆ្នាំម្នាក់បានបំបែកឯតទគ្គកម្មពិភពលោកខាងផ្អាប់មិនងូតទឹកបានច្រើនឆ្នាំបំផុត។
ទីភ្នាក់ងារព័ត៌មានសាធារណរដ្ឋអ៊ិស្លាម (IRNA) និងកាសែត Tehran Times បានចុះផ្សាយថា បុរសឈ្មោះ អាម៉ូ ហាជី (Amou Haji) ដែលរស់នៅប្រទេសអ៊ីរ៉ង់ភាគខាងត្បូងមិនបានងូត ទឹកអស់រយៈពេល ៦០ ឆ្នាំមកហើយ។
យោងទៅតាមកាសែតខាងលើបានឱ្យដឹងថា បុរសរូបនេះយល់ថា ការអនាម័យរាងកាយធ្វើឱ្យ មានជំងឺ ដូច្នេះហើយបានជាគាត់មិនងូតទឹកបែបនេះ។ ទោះជាយ៉ាងណាគ្មានព័ត៌មានលម្អិត ស្តីពីដំណើរជីវិតរបស់គាត់ទេ៕
ប្រភព៖ rasmeinews.com